《私人會所》絕密訪問!為大家探討「私竇」背後的內幕!(下)

Laugh_myAO 於 04/08/2017 發表 收藏文章
本年度的話題之作《私人會所》將於8月31上映,故事內容講述會員制私人會所中紙醉金迷的世界。為了和大家更加深入探討關於「私竇」的一切,今次FanPiece特意請來《私人會所》中飾演富二代二世祖阿傑的陳詠謙,飾演兼職坐枱Sabrina的鍾卓菲和飾演股票經紀巧盈的陳美伊接受訪問,大爆《私人會所》的絕密內幕!
上集連結:《私人會所》絕密訪問!為大家探討「私竇」背後的內幕!(上)

編:很多人對於接拍三級電影其中一個顧慮就是害怕被觀眾角色定型,你們又會不會擔心將來的戲路窄了?

陳詠謙:我諗好彩嘅係我地有好多電影嘅前輩,電影嘅英雄拍左好多好出色嘅三級片,令到人知道三級片唔一定係爛片,拍嘅演員就係自甘墮落。姐係我地有好多前輩做左好好嘅榜樣,令大家知道藝術都有好多種唔同嘅形態。再加上我地嘅導演同演員之間嘅溝通係好好嘅,佢自己一直希望唔好比太多外在嘅因素影響到我地,知道佢係想拍部好睇嘅,有質素嘅,有操守嘅電影出黎,令到我地拍戲嘅時候好相信嗰導演。

鍾:其實拍完呢套之後,都有類似兩套比較三級一啲嘅電影搵過我拍,不過我推左。因為其實經理人公司並唔係話想你定左型,而係希望除左呢啲角色,仲有醜女呀,牙醫呀,專業人士呀,好多奇怪搞笑嘅角色都會想去嘗試。而唔係定左型將來都會接拍呢類型嘅戲。

編:拍攝電影時有沒有什麼趣事發生?

鍾:有一場就係我地三個都係到,拍樓頂買衫,跟住江若琳黎探班,買左蛋撻過黎。拍緊嗰時我太肚餓啦,因為我份人就係不停食野。一cut嘅時候我就即刻衝過去拎蛋撻食。但原來係要企係嗰到唔準郁,但我就忍唔住衝左過去拎。

陳詠謙:我嘅趣事就發生係鏡頭裡面,因為我成日都爆肚嘅。咁爆完肚呢就導演唔要本身劇本嘅對白,就要左我啲爆肚,所以大家到時去睇套戲啦。

編:誰人的NG次數最多?為什麼?

鍾:都無咩NG,大家都好專業。

陳詠謙:我嗰啲NG呢就係拍完一個shot,我諗到啲野,就話:「導演,不如我試多個比你啦。」咁當然係我見有時間先會咁講啦,如果佢地已經係火紅火綠呀,比人趕呀,咁就淨係做一個,拍完就走。

編:在這電影中,你們和對手都有很親密的戲份。事前大家有沒有商量過有哪些底線不能超過?

鍾:無商量過,完全一開就係劇本咁拍。因為其實導演都係plan好曬先叫我地拍。可能嗰陣會問我地咁樣做會唔會唔舒服啊。但基本上大家都無點傾過,因為拍之前導演都會同我地傾應該要點樣做。同埋劇組都已經幫我地準備好,提我地提前要拎啲咩呀,所以都無咩點傾過(同對手)。

編:身邊的家人,朋友知道你們接拍《私人會所》後有什麼反應?是支持還是反對?

陳美伊:因為我啲戲份都唔大膽,所以唔大膽都唔會點反對。我媽咪有問我,做咩拍套三級片。我話咁拍嗰時都唔知係三級,同埋我又無三級嘅情慾戲,所以都OK嘅。

陳詠謙:我老婆就會話拍呢套戲咁多女演員,美女如雲,會唔會把持唔住呀。咁我就話,如果真係要把持唔住,都唔使等到今日啦。我唔係睇外在嘅誘惑嘅。

鍾:我就...屋企人仲未知。但之前我都有影相,拍戲之前,咁媽咪都會話健康嘅性感可以接受,但Daddy就仲未知。

聽完三位的專訪,大家是不是都很期待電影的上映呢?再提大家一次,《私人會所》將於8月31上映,大家拭目以待!


留言


請按此登錄後留言。未成為會員? 立即註冊
    快捷鍵:←
    快捷鍵:→