盡數香港女子泳隊的10條美人魚 精選

奧運金牌選手訪港, 今屆中國隊大出鋒頭的兩大猛將傅園慧和何姿, 都是水中英雌！雖然她們的出位, 好像與獎牌沒有什麼關係。(就算無睇體育版, 都應該知發生咩事啩！)

至於香港奧運隊, 除了李慧詩之外, 最矚目的當數有「美人飛魚」之稱的女泳手歐鎧淳。其實香港女子泳隊向來都盛產美女, 不過四年先有人講一次, 平時好少人留意啫！
香港女飛魚不但運動出色, 很多更是高材生, 外型比起今屆所謂「港姐十強」一點也不輸蝕, 人生贏家原來可以贏到咁盡。

1. 歐鎧淳
一號佳麗歐鎧淳, 芳齡24, 畢業於名校UC Berkeley, 佢唔單只鋒頭勁, 背泳同自由式香港都係佢玩哂, 詭異嘅係操到咁行都keep到model身型, 難怪連外國傳媒都有留意佢, 選佢為奧運最美持旗手。

2. 江忞懿
二號佳麗江忞懿, 芳齡23, 又係來自UC Berkeley, 現任香港「蛙后」, 果然係綠水俏嬌「蛙」。

3. 鄭莉梅
芳齡23, 唔好意思, 都係俾UC Berkeley擸咗, 強項係自由式, 有一半法國血統, 唔多識中文, well... you know, 其實我都係鬼仔嚟....

4. 何詩蓓
18歲, 綽號「小美人魚」, 今屆奧運成為史上首位進入準決賽的香港泳手, 唔好以為佢姓何佢老豆就真係姓何, 詩蓓妹係愛爾蘭加香港混血兒, well... you know, 你唔會以為河國榮又真係姓何啩！

5. 湯嘉珩
芳齡23, 破過兩項香港自由泳紀錄, 之後轉攻蝶式一樣掂, 雖然知名度稍低, 但都係一條美人魚。

6. 陳宇寧
芳齡28, 曾參加2004雅典奧運同08京奧, 退咗役幾年, 港大畢埋業, 做咗金融界女強人, 繼續"wear"水。

7. 韋漢娜
芳齡27, 香港土生洋將, 都係退咗役幾年, 當年香港紀錄係咁俾佢橫掃, 可能同佢讀既大學有關, 之唔係UC Berkeley囉！

8. 蔡曉慧
芳齡32, 已退役, 曾留學.... 美國得一間大學之嘛, 當然係UC Berkeley啦, 之後讀過中大, 而家做教練兼無綫體育節目主持。

9. 伍劭斌
九十年代香港泳壇代表性人物, 曾同時擁有21項香港紀錄, 現時身型雖然略為發福, 但混血兒的輪廓仍有美人魚風采。

10. 洪詩琪
八十年代名將, 曾獲亞運銅牌, 詩琪姐不但有健康膚色和高佻身型, 樣子也清麗脫俗, 可惜年代久遠, 相只找到這一張, 中間笑得最燦爛的靚女就是她。