跟住落嚟就係我搬屋嘅日子啦，快快脆脆搬完啲嘢，正式入住😄！
搬入去第一個朝早，我一早外出返工，因為係早上9點幾咁，所以四周都好靜，有啲門口上掛住係一個「請勿打擾」嘅門牌，有啲就鎖咗大門口，同嗰日比真係差天共地，原來呢個時間係冇生意做😂都啱，邊個會呢個時間出嚟幫襯（傻仔一個）。
因為冇人係度，所以我忍唔住放膽周圍睇吓，因為真係好好奇，而且又冇人，行去側邊位，睇睇角落度嗰兩個單位，呢個係死角位，出lift係睇唔到嘅，要行去先睇到。行到走廊就見到其中一個門口上粘住幾張彩色紙，上面用中文字寫住「18歲妹妹，嫩口」丶，「可愛嬌小」丶「未生過BB」，而另外一個門口就係寫「給你女朋友般的感覺」丶「好服務」丶「多種姿勢」。我即時笑出來，原來做呢行係咁樣sale 自己，每個人都有自己嘅定位，好專業，長知識。（佩服佩服）而人有時真係好邪😩，當我笑得好開心陣時，突然間有開門聲，有個後生仔（20歲左右），白白淨淨，幾好樣下，就開門伸個頭出嚟，我即時呆咗，唔識反應，企定係度，勁尷尬😅，佢都嚇咗嚇，望住我，個感覺好似俾人捉姦咁，不過好快反應過來，之後急急腳衝去樓梯嗰邊，推開防煙門仲擰轉頭望咗我一眼，之後消失殆盡⋯⋯而我仲憨居居企係度😓
第一日就出師不利😩😩，下次應該要睇咗通勝先，而我就咁結束咗今日的「觀賞之旅」，走去搭lift。
我之前成日以為只係啲啊叔，啊伯先會幫襯呢啲，但係經過呢兩日所見，簡直顛覆我嘅認知，係呢度係可以見到好多後生仔（20歲左右，甚至有啲，我覺得似中學生，個樣睇落去好細個），而且有啲仲好靚仔🤵😘高大威猛，運動陽光型；清靚白淨，韓仔款……咩類型都有，而我呢個井底之蛙終於有種學到嘢嘅感覺，大開眼界，增廣見聞😆😆
搬入去第一個朝早，我一早外出返工，因為係早上9點幾咁，所以四周都好靜，有啲門口上掛住係一個「請勿打擾」嘅門牌，有啲就鎖咗大門口，同嗰日比真係差天共地，原來呢個時間係冇生意做😂都啱，邊個會呢個時間出嚟幫襯（傻仔一個）。
因為冇人係度，所以我忍唔住放膽周圍睇吓，因為真係好好奇，而且又冇人，行去側邊位，睇睇角落度嗰兩個單位，呢個係死角位，出lift係睇唔到嘅，要行去先睇到。行到走廊就見到其中一個門口上粘住幾張彩色紙，上面用中文字寫住「18歲妹妹，嫩口」丶，「可愛嬌小」丶「未生過BB」，而另外一個門口就係寫「給你女朋友般的感覺」丶「好服務」丶「多種姿勢」。我即時笑出來，原來做呢行係咁樣sale 自己，每個人都有自己嘅定位，好專業，長知識。（佩服佩服）而人有時真係好邪😩，當我笑得好開心陣時，突然間有開門聲，有個後生仔（20歲左右），白白淨淨，幾好樣下，就開門伸個頭出嚟，我即時呆咗，唔識反應，企定係度，勁尷尬😅，佢都嚇咗嚇，望住我，個感覺好似俾人捉姦咁，不過好快反應過來，之後急急腳衝去樓梯嗰邊，推開防煙門仲擰轉頭望咗我一眼，之後消失殆盡⋯⋯而我仲憨居居企係度😓
第一日就出師不利😩😩，下次應該要睇咗通勝先，而我就咁結束咗今日的「觀賞之旅」，走去搭lift。
我之前成日以為只係啲啊叔，啊伯先會幫襯呢啲，但係經過呢兩日所見，簡直顛覆我嘅認知，係呢度係可以見到好多後生仔（20歲左右，甚至有啲，我覺得似中學生，個樣睇落去好細個），而且有啲仲好靚仔🤵😘高大威猛，運動陽光型；清靚白淨，韓仔款……咩類型都有，而我呢個井底之蛙終於有種學到嘢嘅感覺，大開眼界，增廣見聞😆😆
請按此登錄後留言。未成為會員? 立即註冊