隔牆有耳之鳳姐的驚魂慘叫

與鳳為鄰 於 23/09/2021 發表 收藏文章
自從樓下嚟咗個愛大聲呻吟嘅鳳姐後,差唔多晚晚9點幾10點都可以聽到佢嘅演戲聲,不過有一日嘅叫聲就可以用驚魂嚟形容,嚇到個心離一離,呢行嘅錢真係唔係冇咁易賺!
話說有一日我又係度做咸魚,突然間就聽到個鳳姐喺度嗯嗯啊啊嘅呻吟聲,開始做運動啦!幾入戲下,好享受咁,一樣時不時加插一句不要啦之類,炒冷飯咁,聽得多覺得冇咩新鮮感😮‍💨😮‍💨過咗一陣,突然間聽到個鳳姐慘叫一聲「啊…啊⋯⋯不要⋯走開……」仲要好大聲咁嗌出嚟,叫破喉嚨咁嘅聲,非常尖銳同刺耳,好似俾人插咗一刀咁,痛到大嗌;又好似個男主角跳崖,俾女主角見到,冇能為力咁慘叫,總之就毛孔動,嚇到我手機手攞唔穩,叫得咁悲慘,唔似係enjoy 緊,或者做戲,似俾人虐待咁嘅慘叫聲⋯⋯
跟住就聽到把男人聲:「唔準嘈,收聲!」把聲雖然低沉,好似係喉嚨度擠出嚟咁,只不過把聲好惡,似乎係咬牙切齒咁講出嚟⋯⋯我第一個感覺係,唔會係咩變態佬呀嘛,有暴力傾向,打人發洩情緒,咁好大鑊喎,好恐怖啊!我即刻打開窗,伸頭出去睇,咩都睇唔到😩😩
跟住落嚟就聽到有物品散落地下嘅聲音,磅磅聲,又聽到個女仔叫咗一句「不要了!」,不過今次就細聲咗,而且把聲冇咁尖銳,有少少抖唔到氣嘅感覺,之後個女仔好似俾人捂住口咁,發出嗰種咽嗚聲「唔⋯唔⋯」,同時㚒雜住男人大力嘅喘氣聲,好似有講嘢,咿咿哦哦咁,唔知講咩,而且唔係好大聲,因為我要伸個頭出去先聽到,仲要唔係好清晰,幾個呼吸之後,個世界好似靜止咗咁,咩聲音都冇晒,唔知個女人點⋯⋯
跟住就聽到好大聲嘅敲門聲,好似要拆樓咁滯,非常大聲,不過就冇任何人講嘢,淨係咁去拍門,嗙嗙聲,門都要冧咁滯,但係一直都聽唔到有人講嘢,拍咗30秒到,就停止咗,可能開咗門掛,只不過好奇怪,都係聽唔到任何其他聲音,之後件事就咁完結咗⋯⋯有點匪夷所思🙄🙄
雖然有好多人睇唔起呢個職業,或者覺得呢個職業啲錢好容易搵,其實,有頭髮邊個想做癩痢啊?冇事就好啫,有起事來,都幾大穫下,可能有命案發生都唔知⋯唉⋯⋯

留言


請按此登錄後留言。未成為會員? 立即註冊
    快捷鍵:←
    快捷鍵:→