Sam哥又黎啦，熱愛電影製作既佢繼上套Z小姐之後，沿用愛將們袁潔儀、喬寶寶同佢既一班老友推出左【極闘】既續集，即使今次【極闘 2】玩既係溫情風格，但仍未阻Sam哥cool爆既演出，真係估佢唔到！
【極闘 2】既故事講述Sam哥乃係黑拳賽事既常勝將軍，雖然已有家室但為人仍然風流成性，但一次引致妻子離世既交通意外改變左佢既性格，發誓自此離開拳壇，但仍要照顧兒子既Sam哥不得不面對現實帶給佢既挑戰，得帶著兒子四處外出炒散，甚至要兒子陪佢一齊流連於古惑仔既地盤。本來以為生活還是捱得過來既時候，Sam哥兒子被診斷出患上嚴重眼疾，需要大筆資金才有機會治癒，Sam哥為籌得那筆錢，唯有再次出山，但卻被要求打假…
雖然今次既續集大玩溫情風格，未及Sam哥以前既作品來得緊湊，但仍有不少既打鬥場面比Sam哥既fans過過癮，同時也表現了他鐵漢柔情既一面，好有當年Cinderella Man 同 葉問既影子，當然作品質素同層次遠遠遠遠遠不及呢兩套作品，但Sam哥既熱情，我係感受到了！
據說呢個系列會長拍長有，希望作品既質素可以越黎越好啦，香港獨立製作難做阿，無咩幾個人好似Sam哥咁蝕住錢都仲肯試，加油！
請按此登錄後留言。未成為會員? 立即註冊