10大分手徵狀 精選

係一件傷心事，但與其要困在一段不愉快的關係，離場又未嘗唔係一條出路。專家話，雖然冇科學方法計算一段感情的分手指數，但一段瀕危的感情往往出現好多徵狀。如果以下有多個情況持續發生於你身上，專家建議，你係時候考慮離開了！http://puppet-picture-book.blogspot.com/
1. 你無法從關係中得到所需。
無論愛情、安全感、承諾或性等方面不被滿足，跟另一半反映亦於事無補。你唔快樂，佢亦唔會飲得杯落。

2. 你唔想跟另一半溝通。
無論用邊種方法：見面、對話、寫訊息等等，你認為同佢溝通係一件麻煩事，唔想了解，即係對佢失去興趣。
3. 你唔期待跟另一半相處。
寧願將僅有嘅空閒花喺拍拖以外嘅活動，又或者你哋保持性生活，但做愛前後冇兩句，足見有意拉遠彼此距離。

4. 你對另一半有彈冇讚。
戀愛中人通常會無視對方嘅瑕疵，甚至將缺點視為優點；相反地，當你討厭某人時，見佢背面就憎埋佢前面。同一道理，如你專挑剔佢嘅雞毛蒜皮小事，不難想像你有幾愛佢。
http://puppet-picture-book.blogspot.com/
5. 你把男友跟其他男人比較。
愛一個人，眼中只有對方，根本冇比較嘅空間。
6. 你嘗試改變你的另一半。
世間難有絕配，佢性格好可能跟自己相差甚遠，愛得深，包容越多，否則你會有意無意將佢改到滿意為止。

7. 你唔再笑。
幽默有助滋養關係，但如果他的笑話令你再笑唔出（連扮都懶），又或者你倆冇愉快輕鬆嘅對談，可見呢段關係已失去活力。
http://puppet-picture-book.blogspot.com/
8. 你只付出（或只接收）。
一段健康的關係，應該兩個人同樣有得著，而唔係一人受惠。

9. 你的朋友唔喜歡同你倆聚會。
朋友未必討厭你的伴侶，但可能對你哋之間的化學作用反感。旁觀者清，當一段關係出現問題時，朋友嘅反應或意見絕對可以幫你認清現實。10. 你唔再喜歡自己。
回想一下熱戀時的你，充滿自信、喜樂，又注重保養。若你冇晒呢啲正面思想，又冇動力扮靚，甚至開始討厭自己，愛情對你或已失去功能，唔能夠再推動你前進。