做足八年「雞」、被戲稱為“萬鳳之王”@尹詩沛

光影言志辨 於 27/03/2018 發表 收藏文章
原來唔講你唔知,藝人尹詩沛(Nicole, 1990.09.17)喺大台拍劇做綠葉八年嚟,大多數都係做「雞(妓女)」嘅角色,難怪高登仔暱稱尹詩沛為“萬鳳之王”。
尹詩沛接受訪問時話:「我畀人感覺風塵味重啲,做過唔同年代嘅妓女,仲試過一日走3個廠都係做妓女。」
翻查資料,尹詩沛經常飾演妓女類角色,比如《讀心神探》《拳王》飾演陪酒妹,《天梯》《純熟意外》妓女,《女警愛作戰》飾演AV 女優,《幕後玩家》名媛,《與諜同謀》豔女,《好心作怪》高級私人會所女公關等等!
尹詩沛話自己畀人感覺風塵味重啲,但小編就覺得佢 "貼地"多啲!
除咗妓女,所演綠葉角色不計其數,小編最鍾意係《平安谷之詭谷傳說》飾演春桃,好嬌俏!
《不懂撒嬌的女人》做Mall姐跟班跑步嘅角色,被高登仔睇中
《踩過界》飾演歧視同性戀嘅年輕母親---譚詠秀《梟雄》中扮演何淑英有苦情戲,考驗演技
《鬼同你OT》做MK妹?高登仔睇中尹詩沛嘅…大家都知係咩;但尹詩沛最開心係有機會演唔同角色,而最怕係「再之後應該又會做番妓女同情婦角色,哈哈!」
參考:
Fanpiece、HK01、東方日報、壹周刊、高登討論區、尹詩沛IG及相關網頁及網圖等
被問到怕唔怕畀人標籤咗係專做呢啲角色---「雞(妓女)」?尹詩沛就話唔怕,「當係唔同層次嘅讚美,同埋做演員都係被動,自己都唔會去揀劇本,會捉緊每個角色,做得好都會Keep住搵。」(果然識撈!)
註:Nicole話即使只係一個閒角都會俾心機做,因為導演、監製會睇番片,總會有一刻會欣賞到自己嘅努力。無錯,睇番一下影后級人馬好似張曼玉咁,佢仲慘到要做足九世「雞(妓女)」:
做足"九世雞"嘅張曼玉最後做咗影后,尹詩沛加油!

留言


請按此登錄後留言。未成為會員? 立即註冊
    快捷鍵:←
    快捷鍵:→