女人唔啱就要打,又豈止在《平安谷》裡?(國際消除對女性使用暴力日11月25日)

光影言志辨 於 05/02/2018 發表 收藏文章
喺《平安谷之詭谷傳說》裡面,一眾重要女角色幾似都被男人打過,係唔係遍體鱗傷就唔知,但就單睇佢哋女明星化妝效果下的面部,就知傷勢一定唔輕。
究竟點打法,去片睇睇
其中,沈卓盈(演陸北杏)俾佢老公追住嚟打:
結果...就連拜山神都保佢唔住!
沈卓盈(演陸北杏)仲幾乎要步陳瀅(青蘭)後塵變殉葬鬼新娘!
出手救佢逃走嘅譚凱琪(演伍惟明)一樣俾人打到變豬頭咁款,真係慘慘豬!
幸好,化險為夷以為執番條命仔,但沈卓盈(演陸北杏)一樣繼續俾老父打:古代女人真係「出嫁從夫,在家從父」?
另一邊廂,龔嘉欣(演田初一)仲慘!被劉江(演陸金谷)迷姦成孕已經慘,點知……
龔嘉欣(演田初一)唔想再俾劉江(演陸金谷)性侵犯,就落藥;點知又被劉江發現,打鑊甘之餘,差啲又無命!
又另邊廂,陳庭欣(演楊澄澄)被保甲韋家雄 (演陸水雄)當狗一樣鎖起嚟,一樣咁慘!
劇中一眾主要女角色,除咗朱晨麗(演顧曼儀/三太太)之外,都無邊嗰唔駛俾男人打罵同虐待---但演戲係被打到哭哭啼啼嘅角色,可能先有得發揮演技?
以為係民初封閉男權父權電視劇,先至有咁嘅男打女劇情?其實今天一樣有!如果唔係聯合國點解要將每年11月25日定為「國際消除對女性使用暴力日」!
參考:
Fanpiece、東方日報、晴報、中國時尚網及相關網頁及網圖等
註:「國際消除對女性使用暴力日」!喺1999年12月17日,聯合國大會通過決議指定將呢一日(11月25日)為國際消除對女性使用暴力日。事緣係喺1960年呢一天,多米尼加共和國的政治活動家米拉瓦爾三姐妹,被特魯希略政權(1930-1961)暗殺 ,從1981年起,一些婦女運動活動家就將呢一天作為反抗婦女暴力問題的紀念日
對女性語言暴力及口頭性騷擾一樣不合情理法的

留言


請按此登錄後留言。未成為會員? 立即註冊
    快捷鍵:←
    快捷鍵:→