藝人陸浩明(六號)勁搞笑及勁玩嘢！居然晒自己同事女藝員嘅「裸」照？？
事緣係六號明喺自己IG社交網上載同事女藝員嘅合照，但係今次居然晒嘅係佢哋女藝員嘅「裸」照作為亮點！其實，係成班女藝員嘅「裸」素顏照！
六號明不愧係TVB近年力捧嘅金牌司儀，口才一流。氹到一班女藝員素顏「裸」照之餘，仲好識買口乖；大讚佢哋素顏上陣依然咁索，仲留言話：「各美女素顏零P圖一刻…真㗎！相中所見到由上排開始有港姐張寶兒、劉穎鏇、梁嘉琪，而下排嘅就要估一估啦！
其中，網民大讚麥美恩嘅皮膚好好，可惜冇化妝個樣就好似唔見咗對眼咁！化妝威力果然係驚人呀！
張寶兒(上圖)同梁嘉琪(下圖)喺你心目中又可以差幾遠？劉穎鏇(下圖)算係最勇敢之一，「全裸素顏」咁滯！
仲有眼利嘅網民，憑住一個微笑就已經估到左下用帽遮住自己「裸」素顏嘅嗰個係港姐馮盈盈，而戴墨鏡係陳貝兒！(不愧港姐冠軍，馮盈盈係算要靚？)
嘩！咁難得嘅女藝員嘅「裸」照場景，六號明都可以集郵到，難怪連洪永城睇到都咁話：「我接受唔到，真係接受唔到！」
究竟洪永城係接受唔到女藝員嘅「裸」素顏？定係接受唔到咁羨慕六號明可以同一班「裸」顏嘅靚女合照呢？
請按此登錄後留言。未成為會員? 立即註冊