《使徒行者2》徐天堂維護正妹:好Man袁偉豪為翠如BB跟網民「火併」

光影言志辨 於 31/10/2017 發表 收藏文章
劇集《使徒行者2》已經大結局,但茶餘飯後剝花生睇好戲在後頭!
事緣係TVB重頭劇《使徒行者2》,黃翠如憑臥底「阿梅」一角成功搶鏡,但翠如BB嘅演技近日就一直喺網上遭到狠批,翠如BB喊戲伸俾網民同喺《賭城群英會》嘅佘詩曼及《幕後玩家》龔嘉欣嘅爆喊位做對比話比下去喎!
結果,同翠如BB有唔少對手戲嘅袁偉豪睇到,就喺社交網晒咗張佢同翠如嘅合照,為對方抱不平!
好Man嘅袁偉豪仲徐天堂上身保護正妹咁話:
其中,袁偉豪仲hashtag指「他朝君體也相逢(同)」,希望大家唔好傷害別人。(小編都好想袁偉豪請我食一個有飯有菜餚嘅飯盒)難怪唔少網友大讚袁偉豪好Man之餘,仲力撐翠如BB演技有進步!連曹永廉同林盛斌亦有轉發袁偉豪嘅Post文添!
演技呢家嘢好主觀小編唔敢評,但就好佩服翠如BB嘅EQ同AQ都好高值得學習!
此外其實,演員跟網民之間互動常有發生,之前李國麟親嘴女兒被網民話,結果李國麟叫對方報警!
李國麟接受訪問話親吻愛女遭道德審判感無奈
仲有,陳山聰嗌胡定欣做老婆被網民插,結果胡定欣嬲爆發長文抒感受!
演員都係人,人有情緒亦正常尤其不平則鳴;大家以和為貴,而且多啲同理心及欣賞心,大家好過!
參考:
Fanpiece、MarieClaire、明報、東方日報、蘋果日報,以及相關網頁及網圖。

留言


請按此登錄後留言。未成為會員? 立即註冊
    快捷鍵:←
    快捷鍵:→