《心理追兇》三大女角設計似曾相識,居然係似「伊藤潤二」筆下的女主人翁?

光影言志辨 於 11/04/2017 發表 收藏文章
坦白說,心理犯罪的題材好難拍;TVB《心理追兇》(MindHunter, 2017)比「膠劇」更慘情,馬明也慘---一本正經演戲,居然演繹翻上次「神探標基」。但本文只談劇中女角設計,暫且不談馬明了。
《心理追兇》劇本,無辜連累女演員的角色設計及演繹,因為她們始終跟劇本演戲的!而且睇到第七集,除了,終於等齊三大女角:蔡思貝、王君馨、湯洛雯等一眾主要女角出場之外;我更一邊睇一邊抹眼鏡,究竟係唔係我有問題---點解多個女角色的設計都似曾相識,居然似「伊藤潤二」筆下的漫畫女角?
先講湯洛雯(演女鬼/心理學家Icy),基本設計似係借自《陀地驅魔人》郭采潔---一樣長髮女鬼、一樣係穿白裙通屋走?湯洛雯做配角坐唔正都算,但難道做女鬼/心理學家就一定要穿「白裙」?(將湯洛雯美艷壓縮到冇?)而且,越睇湯洛雯就越似伊藤潤二《墜落》的女主人翁「江里加」(一樣全身白)?
《陀地驅魔人》郭采潔、《心理追兇》湯洛雯(演女鬼/心理學家Icy)、伊藤潤二《墜落》女主角江里加,都係一身白裙一頭長髮,仲全都係非常之人?
接住係王君馨(演汪海澄網台DJ),劇中角色設計她是大慘殺倖存者,有創傷壓力,平時也抑鬱一受刺激大叫大喊失控!(將王君馨亦正亦邪亦剛亦柔又發揮唔到?)睇落去,王君馨更似伊藤潤二《長夢》的女主角「麻實」(一樣大叫大喊大失控)?
蔡思貝(演童月深宵外展社工)的角色設計最慘!愚蠢、魯莽、被佢嘅Client Hana一家牽著鼻子走都算了罷。角色造型冬姑頭加大眼鏡,十足十伊藤潤二《漩渦》女角色一樣---兩大個「漩渦」在臉上面?
因為佢已經變咗...「漩渦」------係真!一邊睇電視一路好想伸手去除咗蔡思貝那一副好煩人嘅大眼鏡!
王歌慧演的街舞者Hana,驟眼看來好似伊藤潤二嘅第一女主角「富江」?

最後,再睇落去有兩個女角:一個係王歌慧演的街舞者Hana,一個係陳婉婷演的Yuki;前者同人爭仔帶毒俾男人追九條街,後者更被男人狂追及捏頸殺死。兩個嘅角色設計居然咁似伊藤潤二筆下嘅第一女主角「富江」---又係精於「媾仔」、「甩仔」,最後俾男人狂追九條街要喊打喊殺?
陳婉婷演的Yuki被男人所殺,又非常似伊藤潤二筆下嘅「富江」慣例地被男人追殺的情節?
參考:TVB、伊藤潤二、東方日報、fanpiece雜誌及網圖等等
我唔知一眾編劇蔡婷婷等人,係唔係伊藤潤二粉絲迷?定係我太沉迷伊藤潤二,分唔清楚《心理追兇》一眾女角同伊藤潤二漫畫女生之間嘅關係
演Hana之兄文嘅何遠東,也非常似伊藤潤二筆下《三酸甘油脂》嘅五郎:一樣來自肉食店,一樣咁肥,一樣冬菇頭(何遠東也被戲稱為 “冬菇哥哥”)

留言


請按此登錄後留言。未成為會員? 立即註冊
  • tim wong 14 於 12/04/2017 評論 NO. 1

    定係我太沉迷伊藤潤二 :係你太沉迷

快捷鍵:←
快捷鍵:→