「淡淡定,有錢剩;慌失失,有閃失」------杜琪峯《三人行》(2016)的中心主題:三人行,必有我師?(香港人,鬆一鬆吧!)

光影言志辨 於 18/07/2016 發表 收藏文章
杜琪峯《三人行》(2016)的中心主題究竟講咩嘢呢?
小時候唸書,中文老師總會教過你孔子曰:「三人行,必有我師!擇其善者而從之,其不善者而改之。」現在,中文教授歐陽偉豪也教你「七擒七縱七色狼」------為了學好中文才研究風月片?
好!那麼杜琪峯《三人行》片名的箇中含義,又有咩嘢好研究呢喂?
首先,第一組「三人行」係佢哋:趙薇的固執醫生+古天樂的DieHard警察+高學問高IQ/EQ的大賊鍾漢良。
呢一組,三人行,必有我師?我們卻肯定無可師之:趙薇演的醫生剛愎自用、不聽人言,硬要逞強做手術,間接害死一些病人!古天樂演的警察,只顧捉賊,無所不用其極,妨礙司法公正,甚至想執行私刑槍殺大賊!而大賊鍾漢良最勁,常常「拋書包」,博學又多才,卻去做大賊,殺警又打劫!三個都係不善者,我們要睇而改之啦!
其實,由張兆輝演的高級醫生+盧海鵬演的專業病人+謝天華演的「專業」大賊,才是真正的「三人行,必有我師!擇其善者而從之」嘅一組。張兆輝演的高級醫生恰如其份地指出做醫生做手術聽古典音樂面對病人生死Take it Easy(上圖)。(下圖)盧海鵬演的專業病人開開心心"雲遊"醫院,雖然好慘要長期住院。謝天華演的「專業」大賊,吹著口哨犯案去(註:還有一份視死如歸的氣魄,正!);如果不是用這態度犯法而是做正經事,人世何其好哉!香港俗語不是說過:「淡淡定,有錢剩;慌失失,有閃失」嘛?(註:唉?最衰我不懂吹口哨!)
好,仲有一組騎呢「三人行」組:王子軒(因手術失敗自暴自棄,其實多做物理治療就或者可以走路,但最後結果呢------出人意表)、洪天明(都係職業病人,賴死不離開醫院,結果呢------又係出人意料)及林雪(慌失失嘅差佬,去搵吹口哨犯案嘅謝天華。結果呢------失失慌,累街坊!)
其實,「三人行」在《周易》中也有!《周易》曰:「天地絪縕,萬物化醇;男女構精,萬物化生。《易》曰:『三人行,則損一人;一人行,則得其友。』言致一也。」用今天的話就係:男女結合,陰陽互補!太剛烈會折斷。所以,《周易》又有「損卦」曰:「損剛益柔有時。損益盈虛,與時偕行。」
即係上面香港話所謂:「淡淡定,有錢剩;慌失失,有閃失」嘛?你睇最後趙薇演嘅醫生放鬆嚟做手術好得心應手喎!
唔駛咁大陣仗,香港人,鬆一鬆!
杜琪峯《三人行》(2016)的中心主題,其實就係叫你鬆一鬆!

留言


請按此登錄後留言。未成為會員? 立即註冊
    快捷鍵:←
    快捷鍵:→