DSE五星星(5**)「擬人美女化」@《老表,畢業喇!》嘅戲劇效果 圖片

光影言志辨於 07/10/2017 發表 收藏文章
《老表,畢業喇!》DSE五星星(5**)戰隊左至右:楊家寶、蘇韻姿、張雪瑩、林泳淘、梁茵
首先,DSE五星星(5**)邊嗰唔想?但點樣將入大學必要嘅5**概念具體視覺戲劇化呢?而且係美化,定係醜化?
睇《老表,畢業喇!》,名師杜明亨(阿Bob演)「補習。成」嘅代言人五星星戰隊---原本係「補習。成」學生(見上圖),各自攞到所代表科目嘅5**;於是成為該科代言人,並混入香港燦爛學院讀教育文憑要做老師,五星星戰隊包括:
林泳淘,DaDa,數學科戰士,代號:「哈哈星」,數學係男人都知佢32C?(上圖)林泳淘面試讀教育文憑做老師,就係要做「補習天后」,DSE五星星(5**)的確具體有幫助!(下圖)
張雪瑩,KiKi,通識科戰士,代號:「喇喇星」,2013落選港姐,隨即入讀27期TVB藝員訓練班。由2014年《使徒行者》「路人甲」做起,直到現在一共演出近50部劇集,都係跑龍套?


梁茵,MoMo,中文科戰士,代號:「哇哇星」,豈止中文/戰士,更係武俠小說世界嘅「六趾X美魔女」,睇圖信唔信?
楊家寶,CiCi,英文科戰士,代號:「唧唧星」,第26期TVB藝員訓練班出身。比張雪瑩更早投身演藝跑龍套,由2012年《愛回家》,一共六十幾部演出,喺《不懂撒嬌的女人》中做無名「半裸少女」攬林文龍,被網民起底彈起為人所知,佢目標係視后!
蘇韻姿,LuLu,化學科戰士,代號:「唔出星」,2016港姐殿軍,《愛回家》熊心如「紅衫魚」最多人熟知,亦一早彈起。搵佢做化學科戰士,唔知同佢要割巨瘤有無關係?
參考:
Fanpiece、HK01、TVB、東方日報、蘋果日報、林泳淘/梁茵/楊家寶/張雪瑩/蘇韻姿IG/FB、相關網頁及網圖
其實,《老表,畢業喇!》編導將人盡皆想嘅DSE五星星(5**)擬人「美女」視覺化,除咗搞笑,亦有戲劇效果,並非完全胡鬧!
例如:
五星星戰隊混入香港燦爛學院讀教育文憑,胡鬧面試,搞笑又誇張,諷刺五星星讀死書,定係"自我感覺太良好"?
又如:五星星戰隊跟有錢男主角做陪襯,被陳明恩演嘅女權份子老師Dr. Blue視為將「女性擬物化」,剛好跟五星星戰隊將DSE五星星(5**)「擬人美女化」成了一個雙重對比,有戲劇思考深度?
"睇女"變成一場爭拗點睇!
如果話《老表,畢業喇!》五星星戰隊嘅「擬人化」(非美女醜化)靈感,可能源於賴聲川《我和我和他和他》---兩個滇員跟著同台走動而演繹一個過去及現在的人物,將抽象概念具體視覺戲劇化,又信否?(下圖展示賴聲川《我》中,在同一舞台空間內兩個演員演繹過去/現在同一個角色)

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→