《賭城群英會》「晶女郎」文凱玲、高海寧挺胸而出

光影言志辨 於 22/06/2017 發表 收藏文章
文凱玲係王晶嘅新「晶女郎」?
導演王晶喺電影、電視捧過唔少女星,佢哋會被封叫「晶女郎」,當中佢哋喺戲劇中有大膽演出、表現令人留下難忘印象,最經典嘅可算喺邱淑貞!
當年邱淑貞係王晶愛將!王晶部部戲幾乎都係邱淑貞做女主角
咁今次TVB播王晶創作室有限公司有份參與嘅《賭城群英會》(Bet Hur, 2017) 王晶愛將如:高海寧、文凱玲嘅新「晶女郎」都悉數挺胸盡出。
好似高海寧咁嘅制服誘惑,係王晶一貫「晶女郎」出場嘅吸睛大法!
但係高海寧可能終於遇上強勁對手---文凱玲?
其實,2010年落選港姐嘅文凱玲(1982.12.19)多活躍於電影圈,電視較少露面。今次,文凱玲憑《賭城群英會》飾演黃小南,應該係第一次獻身於電視圈!
憑33D上圍及42吋長腿嘅文凱玲,獲李蘊經理人賞識並簽約為旗下藝人,先後參演多部電影,包括《喜愛夜蒲2》、《黑色喜劇》及《喜愛夜蒲3》等。
文凱玲演老闆王晶《唐伯虎衝上雲霄》
及後更與王晶合作,唔少王晶執導或監製嘅電影,如:《唐伯虎衝上雲霄》及《賭城風雲II》中擔任重要角色。文凱玲自然識做大讚老闆王晶「有眼光」。
但係,被傳整過容嘅文凱玲,喺今次《賭城群英會》飾演黃小南,卻係入侵電腦嘅黑客高手!唔駛露出之餘,仲可以戴住眼鏡演出!
我記得王晶接受訪問時講過文凱玲思想成熟︰「佢真實3X歲,但個樣似廿幾,我要捧佢做Meg Ryan(美琪賴恩)!」
據聞,文凱玲因為咁而瞓身入行;《賭城群英會》會唔會係文凱玲走入「Meg Ryan(美琪賴恩)」嘅第一步,各位拭目以待?
參考:Fanpiece、HKChannel、東方日報、蘋果日報、文凱玲IG及相網圖片
美琪賴恩曾整容出事,從此「甜心」不再!
註:
美琪賴恩(Meg Ryan, 1961.11.19),美國女演員,擅長演繹浪漫喜劇,曾數次被美國電影大獎提名為最佳女主角,媒體並以封號「美國甜心」暱稱她。《90男歡女愛》(When Harry met Sally, 1989),美琪賴恩在曼哈頓製造出的假性高潮嘅一幕(下圖),技驚四座,為人津津樂道,至今仍被視為最經典的電影場景之一。

留言


請按此登錄後留言。未成為會員? 立即註冊
    快捷鍵:←
    快捷鍵:→