好想跟住陳瀅去旅行…

光影言志辨 於 30/03/2018 發表 收藏文章
文章標題好似有啲問題,首先邊嗰宅男、毒男唔想跟住靚女去旅行,所以話係 “肺話”?
尤其跟陳瀅去得旅行,總係都孖住另外一個(班)靚女(所以!)
倒數一下,2018最新鮮滾熱辣係同劉佩玥一齊遊俄羅斯滑雪,仲有姿勢有實際咁話。粉絲可能失望,因為除咗白茫茫之外,只得靚樣就係有啲嘢睇唔到?
但劉佩玥喺陳瀅悉心調教之下(明寺出高徒?"明寺"點解呢喂?),果然都滑得幾好!
果然識做?落雪都不忘TVB buddy
之前,陳瀅仲同埋歌手何雁詩、劉佩玥住埋一齊添!(所以文題仲想改為《好想同XX住埋一齊》---做隻狗仲好?)
然後,今年年頭陳瀅返溫哥華探婆婆,去美國玩足一個月,途中玩snowboard滑雪不慎跌傷膝頭,佢仲話snowboard係後生先做到,過幾年應該唔得,呢次唔知同邊嗰去旅行,但陳瀅呢次美國滑雪應該係因,埋下去俄羅斯滑雪係果?
好啦!2017年聖誕左右,陳瀅又同咗一班好姊妹去外地旅行,仲喺社交網同大家開心Share行程,唔知去邊度只知佢去咗一個冰天雪地當地氣溫零下4度嘅地方,最令粉絲興奮係同一班姊妹齊齊去咗浸溫泉,如果問大家收唔收貨,你話呢?(零下4度都咁著?)
如果再數落去,你可能會發現陳瀅可能成日都唔喺香港?仲會同好多靚女飛咗其他地方?咁TVB會唔會開一個旅遊節目《跟住女神去旅行》之類嘅呢?
參考:
Fanpiece、NewMonday、東方日報、壹周刊、新地、陳瀅IG及相關網頁及網圖等
查實,原來已經有網民喺兩年前提出咗?仲叫《兩個女神去旅行》!話說陳瀅同王敏奕因合作劇集《女人俱樂部》後成為好友,然後就孖住去日本旅行喪做「o架妹」,睇到網民笑言「流晒鼻血」咁話!就算文題改為《好想好似陳瀅咁去旅行》,小編都心滿意足!
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→