全城追「城城」找數派利是:郭富城演繹道德兩難「關公災難」?

光影言志辨 於 17/02/2018 發表 收藏文章
首先,好佩服傳媒,20多年前的郭富城,年少輕狂的承諾,居然都俾他們找得到並翻舊賑!
https://www.facebook.com/tvbcom/videos/10155957082118449/上片來自TVB嘅Facebook
事緣,TVB在年卅晚竟然「思舊債」,在臉書上載1994年郭富城接受祝文君訪問片訪,當年只得29歲的城城被問幾時派利是?
城城就推說話未結婚,仲開期票話:「我希望將來結婚派利是,個個都有份,我講過嘅,全港市民都會收到我嘅利是!」
今次不單有圖有真相,仲有片為證,最弊傢伙係TVB似乎動真格,仲叫大家集氣,推到城城見到為止,整一個題為「全城集氣推到城城找數」嘅叫全港市民好落力推,呢次天王好頭痕!
參考:
Fanpiece、HK01、TVB、YouTube、東方日報、蘋果日報、高登及相關網頁及網圖等
註:請有周潤發為郭天王拆解公關危機?
這一次,對公眾人物郭富城來說,是一次絕對的軟性「關公」危機。除了證明公眾人物不可隨便輕諾之外,對當事人城城也是可大可小。首先如何應對妻兒呢?自己被笑可忍,妻兒被笑就不可忍!
就算,城城若不理會及處理,除了有損公信力及公眾形象之外,對其在香港以後事業發展都可能有影響!
而且,一眾網友花生友群起集氣叫城城做個找數真漢子,依家香港700幾萬人,香港人又多數派20蚊利是,城城要派1.4億元利是?對今時今日嘅城城來說並不難!問題係要張羅700幾萬個利是封,就真係都有排煩呀!
結論係:
郭富城可能要效法周潤發,發哥將56億捐出做咗一個慈善基金幫香港人!小編深信郭富城做善事(捐少少1-2億都得啦),香港人一定唔會再為難佢。問題係郭富城選擇失憶俾人笑一世,定係做個有膊頭肯擔帶嘅真漢子啦?

周潤發設立慈善基金,56億家產逝世後將100%全部捐出,發嫂:已經辦妥了

留言


請按此登錄後留言。未成為會員? 立即註冊
    快捷鍵:←
    快捷鍵:→