【熱煲創世紀】句句頂癮!一次過回味霍景良霸氣金句

講樂‧過路人 於 12/12/2016 發表 收藏文章
過百集的《創世紀》,主角卡士固然有份量,配角方面亦位位戲味十足,要數全劇最具人氣的角色,除了葉榮添和許文彪外,肯定非這位霸氣十足的霍景良(郭峰)。堂堂有錢佬居然被古惑仔出身的張自力,害得被生葬的下場,正如霍景良的死前遺言般,確實「死唔眼閉」。

<互聯網圖片>


郭峰飾演的霍景良,據說角色的名稱由來,源於當時有位幕後很討厭的梁姓高層,因而將角色命名為「Fxcking Leung」。是否真有其事不得而知,但霍景良的人物性格,確實寫得立體鮮明,縱然行徑卑劣,卻是徹頭徹尾的「真小人」,或正因如此,霍景良講說話總是聲大大,再配以其招牌笑聲,加上句句有骨兼且極具霸氣的對白,娛樂性十足。

<香港01圖片>


綜觀《創世紀I、II》,霍景良金句眾多,編劇們度對白固然有功,但假如沒有郭峰猶如「上身」般的演繹,肯定令劇情失色不少。霍景良最終落得慘死收場,不如就為其來個總結,一次過重溫霍景良的精彩霸氣金句,不知哪些大家覺得最「頂癮」呢?

loading


霍景良金句列表(齋po文都有聲XD)

*「你話黎舔我鞋底,要求我幫忙,都叫做岩聽d!同我攞對拖鞋黎!」

*「細路,朋友係互相利用架咋,佢今日走左,可能大家暫時無左利用價值,佢係外面另外有新世界,當你發覺佢有再用得著既地方,大家又朋友架喇!」

*「我霍景良要睇邊個,踩邊個,睇心情架咋!」

<香港01圖片>


*「太陽落山飲茶?飲酒慶祝嘛!」

*「玩大富翁之嘛,計好自己有幾多本錢,攤開幾個party出街掃貨,香港炒D,英國炒D,六個禮拜後,見高就放。你地力天公司,坐個人埋黎,多雙筷子,無蝕底架」

*「唔好同我婆婆媽媽,你地賺錢賺得應分,我使錢使得高興,千祈唔好比個game停,我最無耐性窒住道氣做人,話曬香港地都係借返黎既地方,Easy Come Easy Go。所以千祈唔好同自己D時間客氣,See?」

*「依家我順便同你減埋磅,D鮑魚一隻都無預你份。」

*「我做得到係因為我叻,唔係代表你地都得,比心機D啦!」

*「態度正確,我都一樣。」

<香港01圖片>

*「每個月賺個一萬幾千,死慳死抵玩股票,妄想一朝發達,佢地根本就唔知道,真正既大贏家係邊個。」
*「我頂你個肺呀,你依家玩我呀?」

*「個市日日咁升,晚晚咁慶祝,你有無覺得攰呀?」

*「估唔到同場加映動物生態紀錄片,狗咬狗骨。」

*「你坐咩姐,我唔識字要你講咩?」

*「幾好聽,如果呢個世界上,我要搵一個人做我契弟,最有可能亦都係你。哈哈哈!」

*「(我訂左三頭鮑。) 我未食過呀!(不如上山頂食西餐?) 唔好隨便嗡,經下大腦,一陣間慶功呀!」

*「我無需要向其他人交代,有證據就拉我,無既就收聲,聖誕快樂!」

*「我連一個死左既人(葉孝禮)都鬥唔過!」

*「架車係對面?我人係度呀,叫我就架車!」

*「忍得你就食屎喇!」

*「世侄,咪以為係高尚場所兜圈鬧人就唔粗鄙。」

*「乜咁謙呀世侄,我又唔係個D岩岩死左老豆,尾七都未過就穿金戴銀,拖住個肉彈四圍行個D二世祖,失禮?唔及你呀!哈哈哈!」

*「我死都唔會死得眼閉呀,張自力!」(臨終遺言)


筆者的Facebook專頁「講樂.過路人」,有更多廣東歌跟大家分享,希望多多支持!

留言


請按此登錄後留言。未成為會員? 立即註冊
    快捷鍵:←
    快捷鍵:→