《愛回家》Mandy同博士終於一齊！網民熱烈支持：求編劇放過一對戀人 精選 推薦

新一季《愛回家》Mandy同博士呢條感情線寫得幾吸引，好多網民都好鐘意，呢兩日既劇情集中係二人身上，網友都好希望Mandy有個好歸宿，登佢大為緊張。不過唔知係咪Mandy改錯名啦，叫「林美香」所以情路都特別多波折過人，雖然Mandy成個心只有博士一人，但博士其實係鐘意長腳蟹出演既若水。
▲前日個集Mandy為左討好熊家人，經常上去食飯，為顯示自己廚藝又「包餃子」俾熊家人食，佢知道熊樹根有脫髮問題，為討好佢仲搵左治療脫髮既中醫藥方，又買何首烏煲中藥俾佢飲。▲但同時Mandy用左好多小手段同若水作對，令熊家人唔相信若水，認為佢對Mandy有偏見，所以經常發大小姐脾氣。若水好唔開心，覺得屋企人信外人都唔信自己，佢仲叫博士同Mandy分手。博士見若水咁激氣，於是就同Mandy提出唔再假扮情侶，令Mandy失魂落魄。

▲Mandy衝動之下同博士真情表白，話自己真係好鐘意佢。
▲由滕麗名出演既尚善勸博士，如果真係唔鐘意Mandy就唔好俾假希望人地，不過最後佢又講：點解唔俾個機會Mandy既同時都俾個機會自己試下呢？
▲Mandy對博士日思夜想，工作成日出錯俾老細大小姐責備，大小姐見佢教唔化好激氣，於是罰佢一個人夜晚去巡樓，點知博士突然出現。
▲博士既態度仲要180度轉變，仲買埋宵夜同佢一齊食，佢仲話希望同Mandy正式開始拍拖，今次唔係假扮情侶啦！呢一幕，令好多網民好激動，兜兜轉轉，佢地兩個終於正式一齊！雖然中間既轉折交待得有啲吾清楚，博士既態度變得有啲突然，但都無阻一眾網民既興奮同激動，有網民仲表示「求編劇放過一對戀人」、「如果Mandy博士分手就罷睇《愛回家》」。

（圖片來源：TVB）