陳柏宇開騷在即緊張到失眠,苦練舞步娛樂觀眾,獲老婆煲愛心靚湯補身 文字

陳柏宇(Jason)將於本週末(12月2及3日)首度於紅館舉行個唱《陳柏宇SPEECHLESS演唱會2017》。Jason今次除了會獻唱多首新舊作品外,更特別為演唱會苦練舞步,經過兩個多月的緊密綵排,今天Jason於將軍澳邵氏香港電影城 (Shaw Studio) Studio 1作最後綵排,並開放給傳媒「見證」他苦練的成果。
Jason表演新歌〈勉強共勉之〉,他與舞蹈員認真跳,最後更被舉起,完成後他鬆一口氣,他透露演唱會上有舞蹈演出的還有其他歌,他說自己只要一有時間就會練習,有時在家都會練,最少練習了兩個月。

Jason更指今個舉行個唱的最大難度,在於要記歌詞及舞步,他說:「因為會喺騷上唱新歌,又要跳舞,當兩者要喺同一時間發生,加上喺騷上又會彈結他,自己喺呢啲好少有機會演出、但一演出就喺演唱會上表演嘅嘢,壓力其實都幾大。」
雖然跳舞並非Jason的專長,但慶幸他在綵排時,並沒有因此受傷,反而他因為要操fit身形而受傷,他透露:「因為操練而受傷就有,又可能因為壓力關係,條頸成日扯住咁。」被問到會否在台上脫衣晒肌,Jason謂不會為脫而脫,到適當時機可能會晒一下,但說不定,又可能會穿短褲代替。

Jason更坦言,因為個唱臨近而失眠,他說:「因為一合埋眼,就會諗歌詞、舞步同要講啲咩,心情緊張係有嘅,但我盡量都會放鬆心情。」
除了Jason之外,他的家人都為他緊張起來,幸好Jason的外婆及太太符曉薇(Leanne)有煲愛心靚湯給他補身,Jason說:「婆婆同我老婆都有煲湯俾我飲,大家好緊張我營養夠唔夠、精神好唔好咁,所以我唔想太緊張,因為佢哋會同我一齊緊張,我想大家都輕鬆啲。」

最後,Jason最希望自己可以帶個開心溫馨的演唱會給觀眾,他說:「希望我可以令大家輕鬆啲、帶到啲娛樂俾大家,我不嬲都想推廣生活得開心溫馨,希望觀眾睇完我個show之後,可以喺生活上有新睇法。」

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→