張繼聰爆啦!!好勞氣地向網友「反擊」,到底發生咩事呢?? 文字

續吳若希之前為保護女兒和網民在Instagram開鬧戰,狂post hater相反擊之後,張繼聰都爆發啦!到底發生了什麼事呢?

今日他在Facebook和Instagram上傳了一張網民留言的Cap圖,內容大部份是他們攻擊老婆謝安琪,只見留言的內容非常難聽,不單說Kay生完小朋友之後肥得過份,而且言之鑿鑿說他們二人都是整容怪:「未整容前根本是醜女一名」、「兩公婆都有整容,佢老公都有整容」、「吾係呱,有人會整到張繼聰咁丑樣?」,還說Kay:「唱歌差,做戲又冇她份!做師奶算啦!」

張繼聰看不過眼,不忍老婆被人攻擊,打了一段長文作回應:
引用香港有言論自由,可惜未必每位朋友都有尊重別人嘅修養。我好少放係心更加唔會嬲,不過講我太太,我就講幾句
太陽係喺東邊升起,係唔需要証明,又唔駛討論,因為係事實。就好似我覺得我太太有幾靚一樣!
我感激我太太,暫時放低自己嘅事業,承受懷胎10月之苦,無微不至咁照顧我地嘅小朋友。依種已經唔係靚咁簡單,係為人父母嘅偉大。
仲有,女士們生完BB,最緊要係調理身體,根本唔需要介意身形。到適當嘅時候,先開始運動配合飲食,你慌唔會fit 番?
大家放心,我老婆係唔會變番以前咁 而係會比以前更健康,更fit (更靚我就唔敢講啦,因為係我心目中已經好盡吓,不過唔介意再盡d)
P.S. 睇見兩位朋友話我整容果個位⋯⋯我笑咗
此post一出,網民紛紛在下面表示支持他,說張繼聰是好男人,欣賞他對謝安琪的愛護,而且引來一些媽媽留言支持Kay:

「做左呀媽先會明白, 特別餵人奶 ,根本唔可以減肥住 ,平時湊b已經忙到嘔仲邊得閒做咩運動 ,休息都,未必有時間啦,事業可以暫時放低 ,但睇住小朋友既成長 錯過左就冇 ,支持你地唔洗理佢地講咩,睇住小朋友成長先係無價做母親的確好偉大, 呀kay好偉大架!」

張繼聰一向是圈中公認的「愛妻號」,他這次的回應有禮貌得來又不失立場和態度,還有網民開玩笑說張繼聰這樣做也是想曲線氹老婆,嗯,大家明白的:


小編今次都撐張繼聰啦,香港雖然有言論自由,但不代表可以人身攻擊,將心比己,如果你自己的家人被人攻擊也會不高興吧?而且還是說一些不一定是真實的事情,說得言之鑿鑿,那些網民又如何得知謝安琪真的有打針有整容呢?其次,網友攻擊kay長得肥,女性懷孕後身材會改變是正常,因為荷爾蒙的改變,就算生完之後也不一定可以回復到生之前的體形,而且她長得肥還是瘦,那也是她自己的事,人家老公也不在乎,所以也真的不用亂評論什麼。現在這個年代,鍵盤戰士實在太多了!

(圖片來源:張繼聰FB,網絡)

留言

會員
我要評論
請按此登錄後留言。未成為會員? 立即註冊
  • 路百列
    路百列 於 09/10/2017 評論 NO. 1

    佢兩公婆真係好正❤

  • Terry Au
    Terry Au 於 09/10/2017 評論 NO. 2

    個幾條網友咁型千萬唔好delete comments ar

  • Luk Ka Hin
    Luk Ka Hin 於 09/10/2017 評論 NO. 3

    張生回應得好大方得體

  • Goldenman Koo
    Goldenman Koo 於 09/10/2017 評論 NO. 4

    黃屍友,羞不多嗱

  • Johnny Ip
    Johnny Ip 於 09/10/2017 評論 NO. 5

    網上老虎。出街老鼠。
    張繼聰在音樂上好到位,胡琳早期的大碟是他作品!

  • Edward Chuk
    Edward Chuk 於 09/10/2017 評論 NO. 6

    所謂鍵盤戰士,其實係現實社會既失敗者。

  • Phoenix Choi
    Phoenix Choi 於 09/10/2017 評論 NO. 7

    唔只香港,其實好多地方的網絡都一樣濫用言論自由,唔識尊重人

  • Vulcan Chong
    Vulcan Chong 於 10/10/2017 評論 NO. 8

    香港很多网民都很可怕的,只会假厉害装逼恶意无脑批判~ 没有文化的城市怪物~

  • Po Ka Kwong
    Po Ka Kwong 於 10/10/2017 評論 NO. 9

    講真,做女人好難,仲要係藝人,雖然唔太鍾意key,但同為女人都要講兩句,女人懷胎十月,以為好容易架?首先身材會走樣,因為荷爾蒙會改變,做媽媽食唔落都要食因為bb要吸收營養,第二,餵人奶,又容易?錯啦!bb飲人奶係係媽媽身上啜,媽媽乳頭有幾會有損傷,有傷時bb吸啜人奶,媽媽會好痛,第三,一個媽媽要放棄事業照顧小朋友唔係天經地義,爸爸唔可以放棄事業照顧小朋友?唔該,呢班鍵盤戰士,唔好咁無聊啦

  • Oliver Orman
    Oliver Orman 於 10/10/2017 評論 NO. 10

    佢邊有”好勞氣”呢🤔

  • Storm Szeto
    Storm Szeto 於 11/10/2017 評論 NO. 11

    😂笑死,睇到話人果個講到做左人老婆就等於有教養,無野講就話人雞同小三。

  • Wai Lui
    Wai Lui 於 11/10/2017 評論 NO. 12

    啲用詞真係....
    佢幾時有好勞氣呢請問?

快捷鍵:←
快捷鍵:→