「唔好影我我老婆唔知架!」,帶你重溫巴打情人節搞笑撞版柒事

純情跟蹤狂 於 14/02/2018 發表 收藏文章
有科學家預計今日夜晚將會出現每年一遇大災難,呼籲市民做好準備.....

睇返過往幾十年既市價波幅,每年一到2月14號就會發生大災難,名為「情人節」,情人節比起聖誕節既受災範圍更加大、損害更深。聖誕節既禮物可以9 hea,拎啲牙籤、紙巾、鍋蓋就包報紙送出去搏大抽獎冇人知,但情人節要同另一半交代,好多人口頭就話唔使禮物...實際上你試下唔送,就以後都唔使送!

有人唔明送花真係咁重要咩,你諗下,喺情人節呢日如果其他人都冇收花,你女朋友都要有花收,唔係點顯身價;但如果人人都有仲衰,姐係佢一定要有花收,唔係乜身價都冇。結論就係唔好信女朋友話「冇所謂」 ,佢地只係口裡說不,講就話唔想你嘥錢,你唔送既話一定喺人地面前唱足你十年八年。


所以各位男士準備好禮物未呢?根據數據,原來近幾年有六十幾個百分比既男士會送禮物,當中送花既比例愈來愈高,首飾比例愈來愈低。可能女人都係中意浪漫多過物質啦,同埋收花可以點呀?可以同人曬命呀嘛,途人、朋友、同事面前威囉,巴閉、英雄主義、疊馬。不過你地仲記唔記得以前無線新聞送花柒事?

嗰陣係2014年,電視台影住個男人去花墟買兩束花,記者問佢:「做咩事呀?你買花比邊個咁唔講得呀」,佢一面慌張咁話:「冇冇冇冇冇冇,我老婆唔知架,呢個唔可以曝光架因為。」,但記者覺得佢拎住兩束花好奇怪,於是繼續問:「點解會送兩束架呢?」,個男人講到口都窒曬:「你你...你仲講?兩束唔得架,唔可以講兩束...我幫人買架。」


▼不過前幾年高登仲好笑,好多個post都有直播女同事收花情況

1. 下屬集體送花俾女上司為有得收工,點知都係冇
2. 已婚女同事收多過一束花,上演六國大封相
3. 自己制造入球機會既女同事,但係比人當場揭發






▼有啲人為左女朋友開心各出奇謀


冇女朋友既人又點算?就會好似呢個男仔咁,喺情人節前夕比女飛,於是掟曬全屋啲野落街!就咁睇圖都好好笑,雖然我知好慘唔應該笑既...但,如果大家唔想出現呢個情況,都係乖乖地去買花好過啦。

引用天水圍天悅出現高空擲物狂徒,一名青年疑受失戀打擊精神大受刺激,昨日瘋狂地將屋內的家具、電器及雜物等掟落街中,警方接報封鎖現場,與擲物狂徒對峙期間,他仍不停拋下大小物件,最後屋內除重型電器及床外,幾乎全被他拋清光,幸而未有傷及途人。事件擾攘兩個多小時後,警方破門入屋將狂徒制服送院,他涉嫌高空擲物被扣查。 


最正係古巨基竟然唱返自己首歌既高登改編版《其實毒撚一個更開心》比咁多位毒L,所以唔好唔開心啦:

loading


(圖片來源:高登討論區、蘋果日報)

留言


請按此登錄後留言。未成為會員? 立即註冊
    快捷鍵:←
    快捷鍵:→