香港人對於譚仔同譚仔三哥（下稱三哥）既喜愛程度完全要用痴迷黎形容，身邊好多朋友一個禮拜唔食一次都要死。所以譚仔加埋三哥愈開愈多，由長沙灣第一間總店，擴展到依家喺全港有成過百間分店，總有一間喺左近。
當今年5月15號當日本丸龜宣佈要用10億收購譚仔雲南米線，大家都非常驚訝，因為好怕米線失去原本味道，變成賣壽司、天婦羅、烏冬 crossover 米線既鋪頭；又驚譚仔呀姐全面消失，變曬著和服既姐姐...所以好多人即刻轉投三哥。
不過就喺今日三哥都正式比九龜收購埋喇！雖然冇講到收購價係幾多，但係九龜家已經掌控我地香港最大片米線王國。
我諗你地依家應該有好多疑問，等我一次過答啦：
1.譚仔同三哥有咩分別？
原本佢地係一家人黎，不過四姐夫婦加埋五哥就同三哥、六哥唔夾，於是三哥、六哥離家出走，分拆成三哥，兩間鋪既設計都完全唔同。譚仔係最原本既味道，來自於過左身既譚父；而三哥就係三哥自己獨創，平時宣傳比較多。
雖然平時投票就三哥多啲人中意，有人話因為三哥米線彈牙啲，同埋多味揀，但數據話比我地知只有52間分店既譚仔反而比56間分店既三哥賺得多錢。
▼鋪面分別
▼碗既分別
▼餐牌分別
2.依家收購曬，會唔會一家團聚合併返？
唔會，三哥再澄清佢地係兩間公司黎，河水不犯井水喎。有網民就好搞笑咁話本第對手變成同事，精彩程度足以賣比無線拍返輯《溏心風暴4 一家團聚》。但當然，諗下好喇，佢地不嬲水溝油左咁多年，點會冇啦啦合作返。
3.三哥又話唔會失去初衷，咁收購左係咪姐係對金錢低頭？
網民一知道呢件事梗係第一時間抽水啦，喂明明三哥之前話煮米線係佢初衷，依家轉個頭賣左比人姐係點先？有個page叫「廣告狂人」就tag左譚仔同三哥，睇下佢地收購左之後會唔會有返偈傾，譚仔就好搞笑咁話遲下先，而三哥直頭冇上水，睇黎應該未和好。
4.譚仔呀姐會唔會被取代，野食上會唔會有分別？
唔會，就算收購左全部野都會同之前一樣。譚仔自收購左同以前冇分別；只係三哥依家加入更多新餸，例如學譚仔出麻辣豬耳、雞肉改左用高級料 (有人話難食左）同埋加左口水汁揀。而三哥就拍曬心口話唔會調走譚仔呀姐，大家可以放心！
(圖片來源：廣告狂人、蘋果日報)
當今年5月15號當日本丸龜宣佈要用10億收購譚仔雲南米線，大家都非常驚訝，因為好怕米線失去原本味道，變成賣壽司、天婦羅、烏冬 crossover 米線既鋪頭；又驚譚仔呀姐全面消失，變曬著和服既姐姐...所以好多人即刻轉投三哥。
不過就喺今日三哥都正式比九龜收購埋喇！雖然冇講到收購價係幾多，但係九龜家已經掌控我地香港最大片米線王國。
我諗你地依家應該有好多疑問，等我一次過答啦：
1.譚仔同三哥有咩分別？
原本佢地係一家人黎，不過四姐夫婦加埋五哥就同三哥、六哥唔夾，於是三哥、六哥離家出走，分拆成三哥，兩間鋪既設計都完全唔同。譚仔係最原本既味道，來自於過左身既譚父；而三哥就係三哥自己獨創，平時宣傳比較多。
雖然平時投票就三哥多啲人中意，有人話因為三哥米線彈牙啲，同埋多味揀，但數據話比我地知只有52間分店既譚仔反而比56間分店既三哥賺得多錢。
▼鋪面分別
▼碗既分別
▼餐牌分別
2.依家收購曬，會唔會一家團聚合併返？
唔會，三哥再澄清佢地係兩間公司黎，河水不犯井水喎。有網民就好搞笑咁話本第對手變成同事，精彩程度足以賣比無線拍返輯《溏心風暴4 一家團聚》。但當然，諗下好喇，佢地不嬲水溝油左咁多年，點會冇啦啦合作返。
3.三哥又話唔會失去初衷，咁收購左係咪姐係對金錢低頭？
網民一知道呢件事梗係第一時間抽水啦，喂明明三哥之前話煮米線係佢初衷，依家轉個頭賣左比人姐係點先？有個page叫「廣告狂人」就tag左譚仔同三哥，睇下佢地收購左之後會唔會有返偈傾，譚仔就好搞笑咁話遲下先，而三哥直頭冇上水，睇黎應該未和好。
4.譚仔呀姐會唔會被取代，野食上會唔會有分別？
唔會，就算收購左全部野都會同之前一樣。譚仔自收購左同以前冇分別；只係三哥依家加入更多新餸，例如學譚仔出麻辣豬耳、雞肉改左用高級料 (有人話難食左）同埋加左口水汁揀。而三哥就拍曬心口話唔會調走譚仔呀姐，大家可以放心！
(圖片來源：廣告狂人、蘋果日報)
請按此登錄後留言。未成為會員? 立即註冊