林峯其實真係一個好仔黎 精選

林峯之前係無線既親生仔，雖然個樣黑蚊蚊，但係喺《尋秦記》同《大唐雙龍傳》開始上位，佢人氣愈紅，塊面就愈白，終於佢去到《雷霆掃毒》變成又白又靚仔既小生。不過我今日唔係講佢既劇集有幾好睇，我想講佢真係一個好仔黎，加埋佢近日比人傳同千語BB分手，大家又可以出黎搵食喇！咁林峯究竟邊度好呢？我地一齊睇下啦：

明明一直比人呃都死守無線

其實無線真係好衰，一直只係安排啲豬肉獎林峯，去到《雷霆掃毒》明明有好出色既演出，但居然比黎耀祥憑《大太監》拎左三個視帝，搞到啲高登仔一反常態，喺度幫佢聲援。自此林峯啲演技愈來愈好，之後既《使徒行者》做爆seed都好入戲，同阿佘合作無間，令觀眾留低深刻印象。

對女朋友好到不得了

係人都知佢係出名既愛女朋友號，之前曾經同澳門賭王何鴻燊既女何超雲傳緋聞，但後來查明原來係離誌老屈，根本冇呢件事。跟住佢就同左大陸o靚模潘霜霜一齊，明明對佢百般依從，可惜女方只係想借佢上位，偷偷地影左床照上網，令自己一夜成名再狠飛林峯。不過件事仲未完，潘霜霜再爆其他艷照，林峯拒絕回應，最後仲公開表示願意接受潘霜霜任何「愛的報復」。就算林峯經歷過呢年事應該好傷，唔再相信女人，不過我地太睇少佢！
因為佢喺12年再同本地o靚模吳千語一齊，雖然佢啲歌迷完全唔中意吳千語，覺得佢係釣金龜，但係林峯一直保護佢，仲公開叫佢做BB。佢地拍左拖唔係好耐已經仲連續去左多個地方旅行，又比吳千語住佢8萬月租既豪宅，錫佢錫到出曬面。


▼嘩你睇下，用左幾多錢


有錢屋企但為人上進、有目標

佢爸爸林華國係廈門著名地產商，應該可以攤大手掌問屋企拎錢，最後佢冇咁做。因為林峯會考總分得9分，所以留學過美國一年，後來去無線拍劇捱出頭。終於因《尋秦記》得到2005年最後生既馬來西亞視帝、，2008年香港首位亞洲視帝、2010年首屆新加坡視帝同埋2013年、2015年香港首位華鼎獎中國視帝。


識唱歌，對歌迷貼心又溫柔

佢唱歌其實真心好聽，試過5年4度喺紅館開演唱會，場場爆滿。佢仲有好多樂壇頒獎禮得到多項個人同作品獎項、提名，證明大家對於林峯既歌唱實力都普遍認同。