Dse口試黃大仙題仲有後話,E同學冇出聲原來有原因

純情跟蹤狂 於 26/03/2018 發表 收藏文章
大家仲記唔記得「以下哪一個港鐵車站名稱,最能夠呈現香港特色?試討論並達成共識。黃大仙、旺角、迪士尼」呢題口試題目?話說呢幾日有考生將過程放左上網,因為討論內容愈來愈膠,所以篇文好快就比人瘋傳。

我地回想返個討論係點先:當時佢地淨返好少時間,又冇咩point,就一齊老吹啲藉口推黃大仙做最呈現到香港特色既站名。B同學就話好似佢同佢啊爸、啊爺、太爺都係姓黃;A同學醒起原來自己都係姓黃;D同學話旺角只係一個角,唔同姓黃既人散佈喺每個角落;C同學話香港人大部份都係炎黃子孫,炎黃子孫有個黃字,黃大仙都有個黃字。最後,呢四個人好夾硬咁達成左共識,得返E同學ban曬佢地四個。


完左呢個討論,佢地四個交換左電話,C同學喺「名校secret」出左呢個post,估唔到咁大反應,之後B同學、D同學都出左黎相認。B同學覺得唔好意思,搞到大家同佢一齊癲;D同學仲爆,話四個痴線佬都唔係姓黃,反而去到最尾ban佢地既E同學先係真正姓黃...

總結三位同學既posts,E同學係唯一一個女仔,首輪冇出過聲不特止,喺試題上大大隻寫左個粗口單字,最後發言仲要話唔同意黃大仙代表到香港特色,認真烈士。正當我地諗緊E同學既心理陰影面積既時候,佢竟然都出左post:


E同學解釋佢以前比人欺凌過,所以唔敢當住其他人面前講野,搞到口試當日首輪過左,之後仲一直震曬諗唔到野,打算放棄口試呢part。佢好多謝呢四個人派膠,派到佢都忍唔住笑,醫好佢既心理問題咁話。

不過佢話原來呢四個男仔一開始好正常,識講旺角代表到香港繁榮,黃大仙係道家,迪士尼又有中西文化合璧。過左一陣佢地無啦dead air左,B同學就開始發癲:「我同我老豆、我啊爺、我太爺都姓黃,所以我揀黃大仙。」,E同學聽到好激動:「原來你同你老豆你啊爺你太爺都係男人?所以呢個世界有好多男人?不如講我既M血係紅色,所以我揀紅色?」

之後A同學話突然醒起自己都係姓黃,E同學聽完好想死:「突然醒起自己姓黃?姐係你之前一直都唔知自己姓乜?你張分紙係匿名?」後來情況一發不名收拾,E同學亦開始絕望:「見到佢地四個開始望尼望去,我已經feel佢地到有種迷之默契(gay情)。我同D同學明明係隔離位,但我同佢中間就好似夾左條萬里長城咁,我已經冇辦法再融入呢組。」

▼E同學話呢四個pepe青蛙就係佢地


最後E同學連珠炮發咁話佢地好智障:

1. 佢地竟然可以一本正經地講出呢堆毫無智商既野,仲要面帶微笑。同依家香港高官有得揮,睇怕呢四個一定會係將來香港特首/立法會議員。

2. 我既讓步竟然俾四個黃氏癲佬拎黎開棟篤笑,係咪黃子華最近話會出黎開show,所以想學佢做小黃子華?人地有披頭四。你地叫柒頭四啦好?

3. 根本冇可能全組五個都姓黃,如果真係咁有緣五個同姓既人分埋一組,咁不如五個一齊結婚啦咁有緣,肯定命中注定,男人既友(基)情真神奇!

E學話呢四個人2018年一定要得,唔得既話唔好報2019年DSE害人喎!唔知四位傻佬又有咩回應呢?

(原post:https://www.facebook.com/schools.secrets/posts/972361626258586)
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→