靜香係姣婆前傳:靜香媽媽都係有心計嘅女人 文字

純情跟蹤狂於 28/08/2016 發表 收藏文章
上一次就爆左靜香啲詭計出黎,大家依家都知道佢係一個不折不扣既死港女喇,係咪覺得一直以來既童話破滅左呢?但係我今日要話比你聽一個更加震撼既秘密,就係靜香其實好慘,佢變成咁既性格唔多唔少都要歸咎於佢家人。

其實大家睇左咁耐《多啦A夢》都應該知道靜香換過三次老竇,一個係基層既職員,一個係瘦削型既白領,一個係電影版既老闆。所以屋企咁多錢去比靜香學咁多野都係有呢啲老竇既幫手,靜香呀媽每次榨乾曬人地啲錢就會改嫁,冇既,靜香呀媽靚呀嘛!靚就做乜都得架啦。

(第一個老竇)


(第二個老竇)


(第三個老竇)


重點唔係啲老竇,重點係靜香呀媽為左令到自己個女自細識得收兵既本領,佢就迫靜香學呢樣學嗰樣,等靜香周身刀張張利,氹到班男人傻q左就呃曬佢地啲錢。但其實靜香唔係幾想變成咁,因為每日放學仲要學野太忙,根本冇時間做自己野。靜香本身好中意玩公仔同埋設計新衫,不過靜香呀媽就覺得冇前途,所以安排靜香上唔同既堂,例如小提琴、鋼琴。


之前靜香要參加鋼琴表演,佢緊張到日日茶飯不思,冇曬笑容,就黎出場比賽嗰陣靜香呀媽就淨係識講:「你要放鬆啲呀!」,鬼唔知你呀媽係女人咩!真係多謝曬你喎。但好彩最後大雄比法寶影響跳左啲開心舞出黎,靜香先可以放心表演。


可惜靜香依家已經慢慢接受咁既生活,正所謂「要留住男人既心,就先要留住男人既胃」,平時靜香得閒會整下蛋糕、曲奇、三文治去比大雄佢地食,食到佢地聽聽話話。想知道佢地仲係咪效忠於自己都係好簡單,用一手爛到屎咁既小提琴技術去試下,如果佢地走就即係變左冇用既棋,到時要再誘惑更加多既男人。

而幸運既係靜香唔使咁做,呢四個男人係點都唔會走。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
  • Ping Yiu Tse
    Ping Yiu Tse 於 28/08/2016 評論 NO. 1

    點解第一個老竇咁似大雄個老竇?😂

  • Kevin Ng
    Kevin Ng 於 28/08/2016 評論 NO. 2

    陰謀論既魔爪居然伸展到純真既卡通片,遲啲可能白雪公主扮食毒蘋果設天仙局,引王子入局

  • Daniela  Tam
    Daniela Tam 於 28/08/2016 評論 NO. 3

    我一直都以為仲係第一個老豆

  • Gabriel Chan
    Gabriel Chan 於 29/08/2016 評論 NO. 4

    老豆嘅角色只係人物設定改咗⋯⋯好明顯全部都係同一個老豆啦⋯⋯睇吓最尾大結局嗰一集嗰個白髮老豆對女嘅愛,佢對靜香講嘅說話好明顯就係親生阿爸先講得出嘅說話

快捷鍵:←
快捷鍵:→