網民力捧55歲歐瑞偉!因為呢幾個原因有機會做最佳男配!? 文字

純情跟蹤狂於 10/09/2017 發表 收藏文章
歐瑞偉呢個名大家都應該好熟悉啦!由《城寨英雄》開始觀眾先留意到呢位演員,而《愛回家》既KC夾埋Terry度以搞笑取勝,加上近排《同盟》既易老闆忠心耿耿.....三個角色各有魅力令到網民愈來愈中意歐瑞偉,仲話佢愈來愈型添!

歐瑞偉加入無線已經32年,一開始前身為龍虎武師,所以有功夫底子,大部份危險動作場面都係自己親身去做。佢近日接受香港01訪問嗰陣,就話試過導演叫佢拍跳樓場景,初初佢覺得冇乜野應該都係1、2層姐,比盡最多3層。點知去到發現1、2、3、4....5?!足足有5層樓咁高,呢個高度冇任何纜索束住,隨時會撞返落大廈邊,甚至跳過左張毯。嗰時歐瑞偉硬住頭皮跳,好彩最後平安冇事。單係聽到呢個故事已經睇得出佢係一個好認真既演員,坦白講比著小編,我寧願唔撈喇。

除左武術指導之外,佢近排爆紅既3個角色都好值得分析一下:

楊老闆呢個角色由大好人變大奸角都幾經典,首先佢本身扮好人、有責任心既老闆,多次幫大家解圍。又喺第八集比福壽金威脅幫手運毒,意外毒害小朋友,仲內疚到跪低。點知最後爆大boss嗰陣先知佢係幕後兇手,所有野都係演技黎,嚇到唔少觀眾心都碎埋,好彩比衰佬呃左隻豬咁誇張。



喺打鬥途中仲要知道佢武功強勁,要陳展鵬、袁偉豪及林子善三人圍攻先死,嗰陣好擔心佢地會打唔贏添。


而KC就搞笑為主,本身喺之前既《愛回家》力追Amanda,但又同Terry關係撲朔迷離而搞出唔少笑話。有次Terry好感動咁大叫佢爸爸,笑到小編飯都噴埋出黎。同埋佢成日教Terry應該點做人、溝女,認真地搞笑先係最好笑,《超時空男臣》既大總管鄭子誠就係好例子。


▼《開心速遞》仲以SM造型出現


去到最近期易先生又去返勁好人既角色度,唔單止教令熊應該點錫個仔,仲會為左保護佢唔怕受傷、比警察拉、冇私人空間等等。某程度上同KC差唔多,都係做好觀音兵就得,但觀眾又開始陰謀論....覺得佢太好人,或者似楊老闆咁係背後大奸角,所以都唔敢對佢有太高期望。



小編覺得佢應該唔會又係奸既,rainman已經揭曉左係江美儀,陳展鵬又有黑化既機會,點都應該唔會數到易先生身上。只係易先生最後會唔會死,就係未知之數 (雖然之前拎左大脾粒子彈,不過唔代表佢之後冇生命危險架)。


好多人都支持歐瑞偉拎最佳男配角,小編覺得民意好重要,而且佢又的確喺呢一兩年好突出,得獎機會就更加大。

留言

會員
我要評論
請按此登錄後留言。未成為會員? 立即註冊
  • 馮可樂
    馮可樂 於 11/09/2017 評論 NO. 1

    陶總管已經覺得佢正

  • Marco Yeung
    Marco Yeung 於 11/09/2017 評論 NO. 2

    Leung Timothy

  • Rainbow Leung
    Rainbow Leung 於 12/09/2017 評論 NO. 3

    I love KC💜

  • Yip Anthony
    Yip Anthony 於 12/09/2017 評論 NO. 4

    Kc......

  • Alex Tang
    Alex Tang 於 12/09/2017 評論 NO. 5

    Chan Kin Shing

快捷鍵:←
快捷鍵:→