盲反曹星如、專家上身批評打假!拳賽下盡見部份香港人的劣根性 文字

純情跟蹤狂於 08/10/2017 發表 收藏文章
我諗大家都有睇「神奇小子」曹星如同日本河野公平既拳擊比賽,最後曹星如喺半場已經撞到隻左眼腫到雞蛋咁,痛到郁唔到。裁判以點數黎計算,結果係曹星如贏左,22連勝,蟬聯拳王稱號。不過呢個時候竟然有唔少人喺新聞下面留言話曹星如唔應該贏,認為呢場係造馬既比賽。我睇啲留言都睇到火滾,決定打呢篇文比大家睇清楚咩叫劣根既香港人。

1. 專家上身批評打假

部份香港人真係好叻,叻到拳賽完左覺得自己係裁判、係專家,個個話咩「打到隻眼腫到咁仲唔係輸?」、「佢訓低左都贏冇天理」、「3個裁判既分都一樣明顯造馬」、「自己人大家明啦」等等,我想問一句:你地有睇開拳賽,知道真正賽例同分勝負既關鍵嗎?

▼網民批評


首先,評判裁定為 "accidental headbutt" 即係雙方意外地頭碰頭,導致曹星如額頭同眼部腫左,唔係人地用拳頭打中左曹星如,既然係意外又何來輸?而醫生判定曹星如唔適宜繼續比賽,所以先會採用已比賽既點數決定勝負。除左最尾嗰round,其他rounds都係曹星如點數高啲,搞到對手賽後都話勁到想重賽。其實咁多年賽例都係一樣咁做,點解今年網民先話有問題?


引用Technical Decision 係指「當一個拳手因受傷/割傷而未能繼續比賽,而那個受傷並非來自拳擊(即並非來自合法的攻擊),比賽就會即時終止並直接進入分數判定,然後決定勝出者」。

其次關於造馬既問題,咁多人睇住其實都冇可能,廢又話廢,叻又話假,睇黎喺網上面打幾粒字既威力仲勁過咩真正裁判同專家。明明賽例一直都係公開比大家知,但部份人仍然堅持己見,覺得我有我道理,以自己感覺去判定呢場比賽既輸贏。連本地人都唔撐本地人,我諗真啲香港先會發生。

▼3位評審有一位係日本人,你話喇,一個咁強民族意識既國家會唔會幫香港造馬?


2. 盲反曹星如

唔知點解曹星如由成名開始受既批評都幾多,人地話人怕出名豬怕肥,喺香港更加體現到呢句。香港人特別中意槍打出頭鳥,你愈出名就愈要貶低你。不過好似曹星如咁謙虛、努力、堅持最尾、錫家人既好男人太完美,於是部份香港人就抺黑佢打假,又憑空想像佢為人,加設好多「莫須有」罪名於佢身上,對其極唔公平。但呢啲人知唔知曹星如幾辛苦?人人有夢想,你夢想係買樓,佢夢想係可以延續香港人打不死精神繼續做拳王!一個咁有勇氣、承擔既人如今無故比人侮辱,真心為佢不值。


冇錯部份香港人真係好難服侍,明明成日話政府唔肯推動運動,運動冇得喺呢個金融中心搞起,其實佢地心底裡面都唔中意運動。只係識隨波逐流咁捧或者踩一個人,喺屋企或者office涼住冷氣咁做鍵盤戰士,完全冇用個心去感受嗰個運動員背後付出左幾多努力同汗水。

好喇,當個運動員終於憑自己努力爭到啲成績,去拍廣告、有sponsor既時候,部份香港人又會出黎鬧佢。唔止運動員,作家、YouTuber、Blogger、插畫家、攝影師等行業一樣,喺佢地眼中只要唔係打工仔,為老闆打生打死咁賺錢就係異類,就要盲反。呢種心態好唔要得,乜自己冇能力做到人地咁既成績就要踩人喇咩?點解唔反省下自己只係一個坐喺度等運到既人?

曹星如自己親自解畫:



最後提醒大家,對事不對人是常識吧!你可以覺得日本拳手勁啲,但亦唔可以推翻曹星如已贏既事實。請尊重別人,尊重自己。

(圖片來源:星島日報、體路、蘋果日報)

留言

會員
我要評論
請按此登錄後留言。未成為會員? 立即註冊
  • Ng Dwave
    Ng Dwave 於 08/10/2017 評論 NO. 1

    甚麼共享劏房,貨櫃臨時屋,騙子議員,可能娛樂性低。

  • saltfish
    saltfish 於 08/10/2017 評論 NO. 2

    你亦盲撐

  • 嘉樂 游
    嘉樂 游 於 08/10/2017 評論 NO. 3

    假博士阻人去醫院!

  • saltfish
    saltfish 於 08/10/2017 評論 NO. 4

    如果意外,就擇日重賽。

  • Tommy Tsang
    Tommy Tsang 於 08/10/2017 評論 NO. 5

    唔係依家先發現呀?

  • Allen Chan
    Allen Chan 於 08/10/2017 評論 NO. 6

    人地隻眼腫到咁捱足7個回合,要批評人先問下自己做唔做到先啦?希望星如早日康復🙏🙏

  • Jason Wu
    Jason Wu 於 08/10/2017 評論 NO. 7

    愈接近中共愈不相信人

  • Key Yu
    Key Yu 於 08/10/2017 評論 NO. 8

  • Willis Poon
    Willis Poon 於 08/10/2017 評論 NO. 9

    香港太多井底之蛙喇,識少少扮代表🤔

  • Ka Cheung Tong
    Ka Cheung Tong 於 08/10/2017 評論 NO. 10

    呢篇文章講得好👍

  • Max Chan
    Max Chan 於 08/10/2017 評論 NO. 11

    突然發覺香港其實好多專業人士同拳王。😂😏

  • Max Chan
    Max Chan 於 08/10/2017 評論 NO. 12

    如果佢地出手,世界拳擊界應該比我地香港玩曬。😏
    可惜佢地太低調。

  • Adam C Chan
    Adam C Chan 於 08/10/2017 評論 NO. 13

    True

  • Ken Tsang
    Ken Tsang 於 08/10/2017 評論 NO. 14

    呢度咁多智障喺度自high!場拳場好明顯係唔公平啦!仲要死撐! 如果調返轉角色,你班白痴會點講吖嗱?! 笑人井底蛙!全部都係鴕鳥!

  • Pakto Chan
    Pakto Chan 於 08/10/2017 評論 NO. 15

    中國人社會從不乏紙上談兵口若懸河嘅專家

  • Kenneth Kent
    Kenneth Kent 於 08/10/2017 評論 NO. 16

    呢班專家前排係hip hop專家,而家就轉行做拳擊專家,下次又唔知轉咩喇

  • Yemmie Chu
    Yemmie Chu 於 08/10/2017 評論 NO. 17

    係中意就平日都會留意呢d 拳賽啦,個個突然上身扮專家

  • Tsz Kin Lam
    Tsz Kin Lam 於 08/10/2017 評論 NO. 18

    I cant agree more!!

  • Zaviel Har
    Zaviel Har 於 08/10/2017 評論 NO. 19

    那么厉害说。上去打呗

  • Leung Kwok Hung
    Leung Kwok Hung 於 08/10/2017 評論 NO. 20

    好簡單 以為佢地自卑 佢地唔低得人地成功咯

  • Max Chan
    Max Chan 於 08/10/2017 評論 NO. 21

    如果曹星如輸咗我哋會點?
    我地可以點?
    一場比賽規則, 同比賽規例計分方式,係一早定外雙方都接受,如果係吾公平嘅, 你覺得個日本仔同佢啲教練會咁白痴吾出聲?

    其實好多比賽都係咁,有時對你有利有時對你不利, 只係今次我地好彩。
    ( 好似上年澳門大賽車, 賽事去到中尾段,帶頭車一俾二車過完,就發生嚴重意外,賽會判終止比賽用上一圈成績嚟做計分, 之後都係畀人過咗嘅頭車做冠軍咁又如何)
    比賽就係咁,你要玩得就要接受規則同賽例。
    一場比賽輸贏係重要,但更重要嘅係比賽背後運動員嘅努力同堅持。

  • Lewis Cham
    Lewis Cham 於 08/10/2017 評論 NO. 22

    認同,其實香港也好,大陸也好都有呢類on9, 不理規則覺得自己才是正確

  • Max Chan
    Max Chan 於 08/10/2017 評論 NO. 23

    仲要有啲人話今場比賽唔公平,大佬呀呢場係世界賽全世界嘅人都可以睇到,你覺得可以唔公平咩?😂😂😂😂😂😂
    重要最搞笑就係日本仔都冇出聲話唔公平,但D路人甲竟然喺度話唔公平?
    定你哋真係覺得個日本仔咁蠢?🤔🤔🤔🤔🤔🤔🤔🤔🤔

  • William Tang
    William Tang 於 08/10/2017 評論 NO. 24

    憎人富貴厭人窮

  • Jatukam Ramathep Chaisae Chan
    Jatukam Ramathep Chaisae Chan 於 08/10/2017 評論 NO. 25

    Yuki Shek你啊

  • Hoi Ching Chung
    Hoi Ching Chung 於 08/10/2017 評論 NO. 26

    King Wanyou

  • Max Chan
    Max Chan 於 08/10/2017 評論 NO. 27

    又話香港運動員依樣嗰樣又話冇樣勁
    搵個有經驗嘅打又話人哋年紀大所以輸
    好啦搵個後生既打,又話人冇經驗所以輸
    到搵個又後生又有經驗嘅,又話唔係人地主場所以輸
    好啦又去人地主場啦,到時又會唔會話風水唔好呢?

  • Ricky Curly
    Ricky Curly 於 08/10/2017 評論 NO. 28

    果D米叫做識小小扮代表囉

  • Yan Ching Chung
    Yan Ching Chung 於 08/10/2017 評論 NO. 29

    香港有很多很多專業嘅拳擊裁判 洗X讀咁多書咩?洗咩國際性的裁判考核,有個鍵盤就得啦!
    人人都tvb上身「呢度唔係法庭,唔需要證據,我對眼就係證據。」

  • Francis Chan
    Francis Chan 於 08/10/2017 評論 NO. 30

    香港人,識少少扮代表是常識吧
    唔係話唔識打拳就唔准評論,個人唔buy 「講馬要跑得快過隻馬」,只係比賽規則呢啲,大可以維基/google,簡單internet research 都唔做就指指點點,無疑係井底之蛙嘅行為

  • Alan Lo
    Alan Lo 於 08/10/2017 評論 NO. 31

    其實唔識就真係唔好講咁多

  • Kenny Tai
    Kenny Tai 於 08/10/2017 評論 NO. 32

    香港精神

  • Ricky Yip
    Ricky Yip 於 08/10/2017 評論 NO. 33

    係各個層面上,佢真係把"公平"打倒了...

  • Pat Sham
    Pat Sham 於 08/10/2017 評論 NO. 34

    不是港人劣根性,只係直播又無評述,自己又唔熟拳賽賽例,加上回歸後見證好多「黑」事情,自己內心想公平競爭先有疑問啫,其實星如自己友點會想佢輸,吖最初唔知唔熟先怕有人又造手腳攪臭香港朵啫

  • Chan Yu Kiu
    Chan Yu Kiu 於 08/10/2017 評論 NO. 35

    所有證據系齊到。啊公平先生出術犯規撞傷 Rex, 然後打又打唔中得分點,輸系理所當然啊。唔同小學雞打架,邊個腫 d 邊個贏?甘唔洗有拳賽啦。大家自己圍毆啦好無?

  • Shing Yeung
    Shing Yeung 於 08/10/2017 評論 NO. 36

    ... 可參考下一步神拳的境界XD

  • Shing Yeung
    Shing Yeung 於 08/10/2017 評論 NO. 37

    both HONER XD

  • Stanley Wong
    Stanley Wong 於 08/10/2017 評論 NO. 38

    呢個咪就係香港淪落嘅原因

  • Issac Chu
    Issac Chu 於 08/10/2017 評論 NO. 39

    香港人就係憎人富貴 厭人窮

  • 吳旻聰
    吳旻聰 於 08/10/2017 評論 NO. 40

    連自己人都唔支持自己人,香港仲邊有未來!

  • Sze Yuen  Shum
    Sze Yuen Shum 於 08/10/2017 評論 NO. 41

    d香港人緊系話自己唔系中國人啦,而家d香港人10個有9個仲cheap過d中國人,講出黎都比中國人笑死,成日得把口,有事就凈系識得噪,又唔識諗辦法解決

  • 杜志釗
    杜志釗 於 08/10/2017 評論 NO. 42

    強烈要求CVB 拍多d打拳同真實規矩比香港shit奶 睇 學野. 唔好打死人先叫贏

  • Andes Lee
    Andes Lee 於 08/10/2017 評論 NO. 43

    廢話少講,今次唔算數,擇日再打過 !!!😌😌😌

  • Anson Chan
    Anson Chan 於 08/10/2017 評論 NO. 44

  • Andy Chu
    Andy Chu 於 08/10/2017 評論 NO. 45

    唔單係打拳,足球籃球全部勁過世界級教練

  • Philip Pun
    Philip Pun 於 08/10/2017 評論 NO. 46

    拳擊比賽 有規矩 不是打爛仔交 勝利要合乎規定 我不愛看拳擊 我覺得曹星如 笑著面很有風度 終止比賽是拳証行駛 試想敵人 出招違規踢爆陰道 即時Ko 唔通算贏!

  • Chris Chan
    Chris Chan 於 08/10/2017 評論 NO. 47

    香港有D人永遠崇洋及(東洋)日本嘢一定好過香港嘢 明明贏左也要講到自己冇贏或好彩贏左 永遠都係奴隸心態 影衰曬香港

  • LH Lui
    LH Lui 於 08/10/2017 評論 NO. 48

    批評就一定係盲毛假專家,真係專制過共黨

  • Teddy Tam
    Teddy Tam 於 08/10/2017 評論 NO. 49

    果D人淨係知拳賽賽例要帶拳套, 果d咩有效擊中計分嘅佢地條鐵咩~ 至於佢地點解咁幫個日本拳手應該係因為睇得AV太多。

  • Jack Chan
    Jack Chan 於 08/10/2017 評論 NO. 50

  • Domo Jai
    Domo Jai 於 08/10/2017 評論 NO. 51

    係人才定係鍵盤戰士咋

  • Ricky Lau
    Ricky Lau 於 08/10/2017 評論 NO. 52

    唔出奇,記得小時候去旺角場睇場波,南華輸左,球迷就會話黑哨同粗口罵球證,梁守志就會話球證有問題,進而引伸到香港球壇搞唔起

  • Steve Li
    Steve Li 於 08/10/2017 評論 NO. 53

    香港人懶9叻

  • C.k Kenny
    C.k Kenny 於 08/10/2017 評論 NO. 54

    成班做一日拳迷,之後就個個都專家上身,笑死人。

  • Chung Hin Chow
    Chung Hin Chow 於 08/10/2017 評論 NO. 55

    同行鬧同行,咩玩法

  • Chung Hin Chow
    Chung Hin Chow 於 08/10/2017 評論 NO. 56

  • Kahei Lau
    Kahei Lau 於 08/10/2017 評論 NO. 57

    Wai Ting Chan

  • Rico Chu
    Rico Chu 於 08/10/2017 評論 NO. 58

    好多人因為自己冇能力,所以就要踩低人令自己「高」d !

    呢類人,聽唔少亦見唔少

    而在網上呢一個見唔樣見唔到真人既世界,呢類人就更加過份!

  • Ivan Ngai
    Ivan Ngai 於 08/10/2017 評論 NO. 59

    世界級拳賽當打爛仔交咁評述!D 人咁鐘意評就去睇MK仔打架啦!討厭透過批評人地而去扮勁既行為,衝出來柒!

  • Siu Man Cheng
    Siu Man Cheng 於 08/10/2017 評論 NO. 60

  • Tinchai Lai
    Tinchai Lai 於 08/10/2017 評論 NO. 61

    香港人不嬲係投訴怪

  • Dicky Chan
    Dicky Chan 於 08/10/2017 評論 NO. 62

    先問清楚,究竟係睇拳擊比賽定係睇爛仔交?

  • Horus Leung
    Horus Leung 於 08/10/2017 評論 NO. 63

    唔係囂張,我自認識打拳同睇拳,一開始我睇live嘅時候我都覺得曹星如唔應該贏,但係後嚟我見爭議禁大我決定睇多次,今次攞埋紙同筆記錄,最後結果原來真係曹星如贏
    一開始之所以認為河野贏係因為佢傷害強而更主動,但後嚟冷靜睇返先發現唔係咁
    問題就嚟啦,宜家香港人都幾多真係會一探究竟而唔係一味盲反呢?又有幾多肯承認錯誤呢?
    我承認自己一開始都係先入為主,但係我都肯睇多次(個時已經好夜),為嘅只係一個公道。之後錯左都唔怕認。
    咁所以一味反嘅人呢?你地到底係真係識睇有認真睇淨係跟風盲反呢?

  • Kf Man
    Kf Man 於 08/10/2017 評論 NO. 64

    我反而見到好多人一睇到「代表香港人」就高潮。。。理性? 一早無咗喇。

  • David Brandsteger
    David Brandsteger 於 08/10/2017 評論 NO. 65

    而加香港人品格分分鐘仲衰過大陸人

  • King Wai
    King Wai 於 08/10/2017 評論 NO. 66

    如果日本選手要求重賽,星如唔肯就話佢姐,大家都係同一規則比賽,冇得怨人

    支持星如💪

  • Kwok Ho MA
    Kwok Ho MA 於 08/10/2017 評論 NO. 67

  • Kenneth Li
    Kenneth Li 於 08/10/2017 評論 NO. 68

    自己一事無成 見到自己人有成就咪唔抵得
    希望個個好似佢地咁廢

  • Siu Dante
    Siu Dante 於 08/10/2017 評論 NO. 69

    鍵盤專業評判

  • Ray Cheung
    Ray Cheung 於 08/10/2017 評論 NO. 70

    香港盛產戰士-------一班鍵盤戰士🤷🏻‍♂️

  • Alden Sin
    Alden Sin 於 08/10/2017 評論 NO. 71

    MonKa Chhichi

  • Terry Wan
    Terry Wan 於 08/10/2017 評論 NO. 72

    最劣根性就係有d人站在道德高地話人地劣根性
    完全無必要咁樣評論人
    人人可以有自己觀點,你係唔係拳手都好,都可以評論場比賽。你覺得人地唔啱,可以用事實去推番人,但係一下子就話去到香港人的劣根性,成件事失曬焦點,之後就開始對罵。如果有心幫或者撐Rex, 就應該搵d專業人士解釋, 等大眾了解何謂拳擊
    而家咁寫簡直幫倒忙

  • Sunny Cheng
    Sunny Cheng 於 08/10/2017 評論 NO. 73

    香港人大把都憎人富貴 嫌人貧 可恥

  • Kong Hong
    Kong Hong 於 08/10/2017 評論 NO. 74

    老前輩講過 外行看熱鬧內行看門道

  • 葉斌
    葉斌 於 08/10/2017 評論 NO. 75

    哩個一定要俾like

  • Bosco Cheong
    Bosco Cheong 於 08/10/2017 評論 NO. 76

    KeVin LeiHong ChanAngelo Jorge

  • Wing Chung
    Wing Chung 於 08/10/2017 評論 NO. 77

    日本仔話希望打多次,到時睇吓點?

  • Jason Chan
    Jason Chan 於 08/10/2017 評論 NO. 78

    Tsang Yuk Ting

  • Ka Man Chan
    Ka Man Chan 於 08/10/2017 評論 NO. 79

    點解D人話曹星如唔勁就係盲反??
    點解有好多人話曹生既原因一直都係打D低排名選手,刷分數,排到第一順位都唔打井上,而係再打一個WBO排名15名外既對手(唔係河野,係之前個個
    再加上今次明顯係55波,除時係64波既情況下,醫生終止比賽,曹生一句FUCK,到底係因為感到可惜而比較中斷定係以為自己點數會輸呢?
    事實係,河野實力明顯係曹生之上,如果真係重賽,相信結果應該會倒轉,就睇下佢經理人係選擇再同河野打定係挑井上啦

  • Stre Litzia Tse
    Stre Litzia Tse 於 08/10/2017 評論 NO. 80

    瀨低兩句到此一遊咁係過癮既

  • Chris Fan
    Chris Fan 於 08/10/2017 評論 NO. 81

    星如屬親建制果派,咁大家明啦!

  • Alex Ko
    Alex Ko 於 08/10/2017 評論 NO. 82

    如果我覺得曹星如輸左,是否我就是劣根性、就是判官呀?咩邏輯?

  • Pak Lik Lai
    Pak Lik Lai 於 08/10/2017 評論 NO. 83

    Albert NgYau Wai Li

  • Tomoya Lau
    Tomoya Lau 於 09/10/2017 評論 NO. 84

    咁多盲反老友記不如自己親自上台同曹星如挑戰下咪知人地有冇料,完。

  • Peter Chan
    Peter Chan 於 09/10/2017 評論 NO. 85

    見咁多評論,真係抓X晒頭,乜原來香港個個都識功夫學過拳架咩?知唔知一個拳手需要幾多努力,血汗先可以企上台對戰?做假條㗎仔肯過你?一個拳手能做到曹星如咁低調,連當年江富德,周比利都無佢平庸,都唔知你地嘈乜Q?無食過夜粥既收嗲啦! 等於無車牌話人手車唔好!

  • Kam Wing Yeung
    Kam Wing Yeung 於 09/10/2017 評論 NO. 86

    所有比賽都没有理由半途叫取消而對手及觀眾冇錯,重要話自己赢,12回合打不完,今天賽馬,如果半程領先馬匹馬會不可說牠赢,因為未完成,踢足球是上半塲完後主隊赢了二個角球,球証話停止比賽判主隊勝,有可能嗎?不要盲目撑主塲,輸赢都唔係問題,唔光彩羞家(給全世界知道)才是問題,教壞下一代呀。

  • Luk Kam Tong
    Luk Kam Tong 於 09/10/2017 評論 NO. 87

    其實尼,比賽有比賽規則, 邊個赢真係由哉判決定的, 而係咪君子光明磊落既比賽就只有當時台上既河野同星如先感受到, 星如係有天生既手長撃中對方+技術高超既搶分技巧, 但小弟亦好欣賞河野既右手猛攻戰略, 克制星如既食糊左勾, 應該地獄式訓練左好耐, 小弟不懂拳腳, 覺得從欣賞角度係對尼兩位運動員既尊重, 因為佢地真係好辛苦架

  • Kam Wing Yeung
    Kam Wing Yeung 於 09/10/2017 評論 NO. 88

    是否要告訴给全球人知香港人是半途而廢重要話自己贏這麼羞家呀!。

  • Kam Wing Yeung
    Kam Wing Yeung 於 09/10/2017 評論 NO. 89

    不要告訴下一代知做假有理。

  • Kam Wing Yeung
    Kam Wing Yeung 於 09/10/2017 評論 NO. 90

    大鑊,香港有些人學自我吹牛到假的當真。

  • Kam Wing Yeung
    Kam Wing Yeung 於 09/10/2017 評論 NO. 91

    原來可以這樣的,比賽半途可以裁判話有可能有人會輸所以叫停更加話變赢,黑變白。

  • Mingchi Liu
    Mingchi Liu 於 09/10/2017 評論 NO. 92

    香港人就應該支持香港人,就係咁簡單

  • Finley Man
    Finley Man 於 09/10/2017 評論 NO. 93

    都唔係今時今日😏

  • Andrew Ng
    Andrew Ng 於 09/10/2017 評論 NO. 94

    港人三步曲

    香港人最叻係咩。咪係識少少扮代表。
    扮野衰左點算?咪死撐。
    死撐唔落去點算?咪龜縮。

  • Don Ho
    Don Ho 於 09/10/2017 評論 NO. 95

    都係個句,個個都話出拳多,如果要計出拳多為贏,大家係擂臺上面原地空揮咪得囉~咁計點算黎做乜,規劃用黎做乜

  • William Leung
    William Leung 於 09/10/2017 評論 NO. 96

    Relax, professional boxing is the same as wrestling! It's just a show! Its not the Olympics!

  • Sha Ka Ho
    Sha Ka Ho 於 09/10/2017 評論 NO. 97

    鍵盤上曹星如一定唔夠佢地打

  • Albert Choy
    Albert Choy 於 09/10/2017 評論 NO. 98

  • Toni Chan
    Toni Chan 於 09/10/2017 評論 NO. 99

    係啊香港咁多運動員唔反 又會咁岩得咁岩橋淨係反佢既 lol

    不如檢討下曹君如個公關點做先會令到咁多人咁反感啦 lol

  • Simon Au
    Simon Au 於 09/10/2017 評論 NO. 100

    even JP counterpart also agree on the judgment, who's fuxing to complain?

  • Alex Chow
    Alex Chow 於 09/10/2017 評論 NO. 101

    成日話曹刷數據果D真係笑大人個口,唔打過又點知夠唔夠打?你估打機有哂數值比較咩?你刷人,人地都要肯陪你打先得架,拳手一年可以打幾多埸先?話佢刷數據果D人完全唔了解拳撃世界係咩玩法,白痴

  • Carman Leung
    Carman Leung 於 09/10/2017 評論 NO. 102

    香港人變曬質

  • Steven Tsoi
    Steven Tsoi 於 09/10/2017 評論 NO. 103

    Tam Kwok Wa 運動就係運動,唔係街頭打交,係要跟賽例同分數去打,你可以話佢打得唔靚,但攞到分就得。另外,誰又可肯定無撞眼事件,邊個一定贏,邊個一定輸? 我唔知你有冇玩開格鬥運動,但比賽係無如果的!

  • James Yeung
    James Yeung 於 09/10/2017 評論 NO. 104

    拳擊間唔中又會有單依啲野發生,二戰啦哈哈,美國打又好超級拳王都好,都係咁

  • James Yeung
    James Yeung 於 09/10/2017 評論 NO. 105

    拳擊間唔中又會有單依啲野發生,二戰啦哈哈,全世界都一樣

  • Yoyo So
    Yoyo So 於 09/10/2017 評論 NO. 106

    Pik Mei Lam Ivan Chan

  • Chan Hoi
    Chan Hoi 於 09/10/2017 評論 NO. 107

    唔知HKxN畀咗幾多錢洗地呢?

  • Neil Cheung
    Neil Cheung 於 09/10/2017 評論 NO. 108

    嘥氣。。。佢輸左的話呢班人咪又會用另一藉口話唔公道。。根本成件事就有主觀成份。。。睇你點睇。。第二回合之後打左咁多野都仲係當個下造成又點睇呢?其實又可以話之後打到佢無法繼續都得架。。。咁咪tko囉。。被人。。。不過又不能夠話人地假。。遊戲規則係咁。。評判係咁演繹。。只能話佢好彩獲勝。。。係唔好睇但已盡了力都不是佢的問題。。是個情況的問題。。這個結果要尊重。。。不過老實講打落去分分鐘都係輸得好難睇。。。幾時有見過豬頭反而贏輸個個無事架

  • Wong Yam Ping
    Wong Yam Ping 於 09/10/2017 評論 NO. 109

    有自己嘅睇法係唔係就等於扮專業裁判先 咁講ball佬唔係球證未唔可以講ball 唔識踢ball去football page 留下comment都俾人話扮球證

  • Tak Sin Wong
    Tak Sin Wong 於 09/10/2017 評論 NO. 110

    香港葡萄成熟時~

  • Yuki Wong
    Yuki Wong 於 09/10/2017 評論 NO. 111

    Jason Yung 同感

  • Wing Ki Louise Cheng
    Wing Ki Louise Cheng 於 09/10/2017 評論 NO. 112

    有D香港人一向對香港的運動員講野好刻薄

  • Jerry October
    Jerry October 於 09/10/2017 評論 NO. 113

    又好難怪喎⋯⋯基於拳擊運動由以前到而家比人感覺係好多打假拳...有錯覺好正常...同埋拳例既野唔係識拳既人鬼知咩....有疑問又好正常喎....呢d時候係咪要專家出黎解釋下呢⋯⋯仲有如果堅係想多d係認識呢種運動....專家們更加應該出多d黎講多幾句啦⋯⋯
    利申...我其實都唔多識

  • Ben Chang
    Ben Chang 於 09/10/2017 評論 NO. 114

    侬家就係有一部份人係咁,係綱上亂九咁吹,嘜都係專家,又大把錢大把女又高大靚仔,現實就係一條on9癈物,綱上言論何必認真!

  • 超低能.勁搞笑
    超低能.勁搞笑 於 09/10/2017 評論 NO. 115

    蘋果日報請左專家黎分析

  • Mayo Tang
    Mayo Tang 於 09/10/2017 評論 NO. 116

    大佬..呢的叫盡力,盡情地抽水
    咁叻叫佢地去打返場啦

  • Jeffrey Law
    Jeffrey Law 於 09/10/2017 評論 NO. 117

    鬧得好!!!

  • Marco Lin
    Marco Lin 於 09/10/2017 評論 NO. 118

    永遠都係講就天下無敵, 叫嗰啲人去打一場囉, 有睇到都知道 曹星如 命中率好高啦

  • Aaron Cheung
    Aaron Cheung 於 09/10/2017 評論 NO. 119

  • Yip Yip
    Yip Yip 於 09/10/2017 評論 NO. 120

    職業專家

  • Daniel Cheung
    Daniel Cheung 於 09/10/2017 評論 NO. 121

    子華神一早講過, 我唔係要你俾多粒魚蛋, 係要你攞番佢一粒呀。

  • Leo Kwok
    Leo Kwok 於 09/10/2017 評論 NO. 122

    現實生活無樣野威到咪上網留言搵存在感

  • Huang LiangTing
    Huang LiangTing 於 09/10/2017 評論 NO. 123

    鬧得好

  • Pak Kei Chow
    Pak Kei Chow 於 09/10/2017 評論 NO. 124

    Y

  • Leung Edward
    Leung Edward 於 09/10/2017 評論 NO. 125

    成日話人廢話人打停,如果係你地班「專業人士」早就比人一上台就打死啦😡嗲嗲嗲咁多嗲
    #曹星如加油

  • Wun Peng Fong
    Wun Peng Fong 於 09/10/2017 評論 NO. 126

  • Wong Tsz Chin
    Wong Tsz Chin 於 09/10/2017 評論 NO. 127

    Ka Ho Yu

  • Yin Kan
    Yin Kan 於 09/10/2017 評論 NO. 128

    有膽重賽,除非你無實力,不然又怕什麼的。

  • Gratis White
    Gratis White 於 09/10/2017 評論 NO. 129

    班人咁叻,點解自己唔去打?

  • LoMan Lmy
    LoMan Lmy 於 09/10/2017 評論 NO. 130

    Issac Law

  • Zeco Tai
    Zeco Tai 於 09/10/2017 評論 NO. 131

    Derrick Ng

  • Tsang Sui Lau
    Tsang Sui Lau 於 10/10/2017 評論 NO. 132

    香港係好多專家,尤其係足球版

  • Michelle Ching
    Michelle Ching 於 10/10/2017 評論 NO. 133

    DeNnis Tang 其次關於造馬既問題,咁多人睇住其實都冇可能,廢又話廢,叻又話假,睇黎喺網上面打幾粒字既威力仲勁過咩真正裁判同專家。明明賽例一直都係公開比大家知,但部份人仍然堅持己見,覺得我有我道理,以自己感覺去判定呢場比賽既輸贏。連本地人都唔撐本地人,我諗真啲香港先會發生。

    ▼3位評審有一位係日本人,你話喇,一個咁強民族意識既國家會唔會幫香港造馬?

  • Tzi Ho Chris Tong
    Tzi Ho Chris Tong 於 10/10/2017 評論 NO. 134

    香港人大部分都係得個講字唔實幹,啫係懶得去做,覺得自己生活夠平安夠和平就夠,再唔係就本住「太難喇我做到咁就好好」嘅精神一直hea落去,一旦有人做得比自己好,而背景又比自己差,自然就唔抵得,踩到人同自己同地位,其實就係自己懶,唔肯行出去,好喇有人行得比自己前就變身做八婆指指點點,搞到有能力嘅人都唔敢咁張揚,港姐咪就係一個例子囉,由唔知幾時開始有冠軍比人鬧比人彈,少數有料嗰咪比班屎忽鬼赫到唔參加囉,好嗰批唔參加,就輪到次要嗰批嘅人多咗機會,點知你地又鬧,咪越鬧越衰,一年比一年衰囉

  • FeverMike Yip
    FeverMike Yip 於 10/10/2017 評論 NO. 135

    香港從來多呢類"荷蘭叻"

快捷鍵:←
快捷鍵:→