王梓軒《東張西望》慘遭多次無視,點解佢人生成日比人恥笑?

純情跟蹤狂 於 27/03/2018 發表 收藏文章
琴晚《東張西望》出現左好尷尬既一幕,就係訪問J2十周年節目巡禮既時間咁啱係梁烈唯正日生日,個個忙於幫佢慶祝,但佢仍然不忘推介新節目《飛虎之潛行極戰》。呢個時間王梓軒想講野都多次比人無視...連記者都冇諗住遞個咪比佢。

梁烈唯:我又有另一套劇呢會喺J2嗰度播啦,就係《飛虎之潛行極戰》啦...
王梓軒:(聽唔到佢講咩)$;;£`*`&@/"$'~$'@/...
梁烈唯:(繼續講冇理佢)...大家一定要支持...
王梓軒:(仲想講落去)一定...
梁烈唯:(都係冇理佢)...同留意呀!睇完《飛虎之潛行極戰》再睇埋《Big Boys Club》你話幾爽呢!
王梓軒:嘩好野好野



呢幕都唔夠尷尬,2013年6月比「King Jer娛樂台」呢個facebook page既管理人瓊姐笑,話王梓軒係「十隻打不死樂壇小強」,無一首歌噏得出名,都可以係九展開演唱會,一曲《跳火坑》更成為網絡笑柄,生存能力無容置疑。


2015年年頭,王梓軒比人叫做「神算軒」呢個最經典。當時佢主持《Big Boys Club》,訪問憑著翻唱《傻女》哭腔版而人氣急升既李逸朗。李逸朗憶述他曾在北京淪落到做日薪百幾蚊人民幣既大廈外牆抹玻璃工作。當時王梓軒竟然答︰「你百幾蚊一日,一個月都有三萬蚊收入呀。」,嘩百幾蚊一日就算做足三十日,比多日三十一喇,都係三千幾蚊姐,點得黎萬位數字架?神級心算技巧令大家非常驚訝,之後仲變左王梓軒既花名。但唔講唔知,其實王梓軒六歲開始就學心算,至於點解返到黎香港退步左咁多就不得而知。


2015年4月佢喺TVB劇集《華麗轉身》扮汪明荃個仔唐榮,角色因為濫藥變成白痴,網民激讚佢演活呢個弱智角色。不過佢地唔係話佢演技好,而係話角色同佢本人一模一樣,又笑佢個樣本來就似,認真慘。


近期香港電影工作者總會搞春茗,王梓軒竟然拉左唱喉平平既古天樂上台唱歌,仲點唱《男朋友》,搞到人地好尷尬之餘又迫住要唱,一度黑面。最後王梓軒high爆想同佢擊拳,點知比古天樂無視...


唔好睇王梓軒比人笑左咁耐,其實佢好有才華,佢係港區全國人大代表、香港藝術發展局主席王英偉之子,喺美國出世。唔單止家境夠硬,佢又識拉小提琴同彈鋼琴,精通中英、普通話同日文,身兼歌手、作曲人、演員。

王梓軒高中讀美國波士頓米爾頓中學,由於表現出色,成為該校二百多年歷史中首位獲舞蹈藝術殊榮既華人學生。大學畢業於美國康乃爾大學,擁有心理學同現代舞雙學位。佢就讀大學期間曾擔任校內一個「Last Call無伴奏合唱團」音樂總監兼編曲同編舞者,帶領樂團喺美國加州、紐約、波士頓、費城等地演出,畢業時獲頒發藝術家年獎。

▼事實上王梓軒返到黎香港一心想發展音樂,負責編曲同指揮,仲拎左好多獎,只係香港人冇留意到

引用1. 2014年王梓軒推出單曲《你最好》喺香港同廣東省拎到雙冠軍
2. 2014年第五張個人專輯《A Fighter's Confession 戰士。告白》於9月29日上市,專輯內的5首歌曲,有3首成為冠軍歌曲,更登上「​HMV Top 40​」​​​以同「​亞​​洲銷量榜​」​冠軍
3. 2014年國語合唱版本《迷彩》成為TVB8冠軍歌
4. 2015年憑唐榮一角贏得最佳男配角提名
5. 2015年推出單曲《點止冰冰》喺RoadShow舉辦既‪「第二屆粵語歌曲排行榜頒獎典禮」上奪得「最受歡迎歌曲」
6. 2015年王梓軒獲得「最受歡迎創作歌手」
7. 2015年喺「香港流行音樂MV頒獎典禮2015」第一季季選獲得獎項,歌曲並成為「2015勁歌金曲優秀選第二回」得獎歌曲
8. 2015年奪得「新城勁爆-全國創作歌手」
9. 2016年憑歌曲〈碰不上會更美〉成首位入圍央視綜藝三台第三季《中國好歌曲》的香港參賽者,更獲得導師四推
10. 2016年歌曲《碰不上會更美》奪得「全球華語榜中榜暨亞洲影響力大典」中既「傳媒推薦好歌曲」大獎
11. 2016年《我是誰》「全球中文音樂榜上榜」第8位
12. 2016年中央人民廣播電台「音樂之聲中國TOP排行榜」第12位
13. 2016年「QQ音樂巔峰人氣榜 - 周榜」第7位
14. 2017年「音樂先鋒榜」獲得「2016年度最佳先鋒創作歌手」獎同「2016年度最佳影視歌手」獎
15. 2016年第十一屆「「勁歌王」全球華人樂壇音樂盛典」中就獲得「飛躍歌手獎」同「十大粵語金曲」
16. 2016年「中國新歌榜」獲得「最欣賞跨界男歌手」
17. 2016年「新城勁爆頒獎禮」獲得「2017勁爆十二樂勢力」
18. 2016年「第三屆粵語歌曲排行榜頒獎典禮」獲得「最受歡迎創作歌手」同「最佳MV」兩個獎項
19. 2016年「Billboard Radio China 年度大獎 - 香港地區年度突破男歌手獎」

大家多啲留意佢既音樂作品啦,唔好成日淨係笑佢,加油呀王梓軒!
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→