湯洛雯同細妹喺ig瘋狂「鬧交」,原來細妹露股又show身材險走光

純情跟蹤狂於 20/05/2018 發表 收藏文章
話說湯洛雯同細妹湯樂瑤早排去左馬爾代夫旅行,兩個係咁鬥show身材。雖然家姐湯洛雯不嬲行斯文氣質style,著啲衫都係保守大方為主;細妹湯樂瑤就陽光歐美style,啲衫多數係健康小快感既背心同熱褲,不過人到外國唔知係咪開放啲,湯洛雯見到湯樂瑤谷爆3吋事業線,竟然都好罕有咁著平口式泳衣show身材。話曬湯洛雯係真正明星,一夾條線出黎,個個藝人朋友都即刻走出黎留言,圈外人湯樂瑤梗係比下去啦。

不過湯樂瑤梗係唔服輸,係咁post相等大家知道自己先係身材好啲嗰個,又爆乳通花比堅尼look,又deep v花花長裙,又蕾絲薄紗拼薄荷綠色比堅尼,睇到目不暇給,成個ig都係噴血相洗板...總之瘋狂up J圖卒之搞到網民開始注意呢位細妹喇。唔少人讚細妹正過家姐好多,湯洛雯即刻喺ig度留言反擊,佢地啲對答勁好笑,一齊黎睇下:

▼湯樂瑤po左張巨乳相,由上俯瞰落黎個效果都咪話唔澎湃,湯洛雯直接反白眼,冇眼睇!明顯不滿細妹任人睇


▼湯樂瑤po左張牙痛相,caption:「同陽光玩遊戲」,湯洛雯即刻笑佢好老套


▼湯樂瑤po左張坐喺地下既相,deep v低胸裙睇曬成個側乳,湯洛雯用chinglish提佢就走光:「They say you run light」


▼湯樂瑤連續po左兩張爆乳通花比堅尼look,caption:「星期六咩都唔做最歎」,之後湯洛雯又po白色透視裙既相:「Saturday is for chillaxing.Actually everyday is to me.I am super lazy and I am happy with that.」,抄足細妹。湯樂瑤見到家姐咁無聊忍唔住比左個無奈樣,反而湯洛雯好得戚。



▼去到今日湯樂瑤終於出殺手鐧,著藍白色生命麵包style既泳衣露出一大片屁股,湯洛雯投曬降:「Again?I no stock la wor (又黎?我冇貨喇喎)」,應該覺得太性感唔想再鬥落去。兩姊妹一齊講左句:「爭咩吖,溝埋一齊做瀨尿牛丸吖笨。」,再由湯洛雯po左張合照,兩個既J圖戰爭就到此完畢



雖然兩個人你一言我一語係咁互寸,不過就係咁先證明大家好好感情啊,同埋我地今次喺呢場戰爭中大飽眼福,夠曬著數。既然依家湯樂瑤咁高調咁show身材,湯洛雯又不時tag佢幫佢加左好多follower,不如下年直接參加港姐入娛樂圈,勝算應該好高!
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→