沈卓盈劉佩玥好胸狠,李佳芯最唔掂?點評TVB台慶女藝人裝扮(39P) 文字

純情跟蹤狂於 20/11/2017 發表 收藏文章
今日係無線50周年台慶既大日子,一到無線生日就知道所有女藝人都會悉心打扮,拎曬一早準備好既低胸、露腰、露背、露腿......總之最顯現到女性身體美態既晚裝,以最佳狀態示人。既然女藝人個個爭艷鬥麗,姐係小編又係時候要點評下究竟邊個著得最靚,邊個又襯到九唔搭八喇。

本身鑑於無線啱啱推出禁奶令,我都好擔心係咪代表台慶個個封胸,著長褲長袖衫咁冇野睇。不過好彩個個女藝人反而比下令前更加大膽!原本唔係行開性感既人突然性感,原本行開性感既人更加性感,將成個《萬千星輝賀台慶》由禁奶show變倒奶show,夠曬精彩。

沈卓盈

沈大師今次搏到盡,對波谷到我都feel 到好辛苦......雖然晚裝係長袖,但一字膊透花設計加埋魚尾裙擺感覺好女神,只係敗筆在頭髮兩邊冇啦啦整兩條蝦毛咁樣,如果梳埋去後面整齊少少仲好睇。


▼別人叫她禁奶,她就漏奶


傅嘉莉

嘉莉喺台慶之前早已經同婚紗公司合作,諗緊4套晚裝揀一款,最後揀左最突顯身材既淺藍色配白色長裙,出後效果真正好似婚紗咁。但係我個人覺得短頭髮既嘉莉真係麻麻地,明明以前長頭髮著咩都咁靚嗚嗚(有圖為證)。


朱千雪

我係咪見到仙女呀?!不但髮型、妝容、晚裝都配襯得好完美,無可挑剔,唔會過於成熟又唔會太過平凡,可能呢啲就係天使既美。


岑麗香

ummmm,今次失左手喇。首先頭髮曲到好似韓國阿豬媽咁已經扣分,香香係襯長頭髮架。仲有條裙好多流蘇,如果冇左啲蘇會好睇啲,個手袖又係唔知想點,令我諗起小學用嗰啲美勞手袖咁。


王君馨

上次谷心型胸夠曬驚嚇,今次又著啲特別衫,下身裙擺位一舊野,次次都好似玩緊cosplay 咁。可能我真係冇fashion sense 啦,自問唔識欣賞佢既打扮,太過超玩實喇,玩金屬色系成個未來戰士咁。


朱晨麗

嘩嘩嘩,成個東西半球比曬人睇喇,金色晚裝令到朱晨麗更加閃閃發光,對胸然引人注目。同埋好彩朱晨麗夠白,如果唔係黑少少著金色都唔好睇,佢就襯得起喇。而佢髮型次次差唔多,所以穩陣冇野評論。


陳自瑤

黑色透視背心晚裝本身冇問題,不過弊在啲花太老積,好似呀婆平時著緊嗰啲款式咁。加上yoyo唔係十八廿二,身形又纖瘦,更加有老左十年既錯覺。好彩件衫後面大露背,可以多啲做「影后」等大家分散焦點。


黃心穎

唔知係咪心穎近排比馬明默認自己係女朋友所以心花怒放,夾出3吋事業線,喺一眾花旦之中幾突出。條裙設計亦好靚,巧妙咁用唔同花紋遮住重要部位,但又唔會影響觀感,高貴得黎又夠性感。


李佳芯

李佳芯就算知道自己個靚樣先係重點,都唔使揀啲衫突出身材缺點架。條裙原來係時裝展作品黎,所以對於模特兒行catwalk 就適合,夠曬搶眼。不過李佳芯琴晚要同其餘幾十位花旦鬥,所以太過前衛就搞到好奇怪,唔靚不特止,亦覺得方面更加突出。


黃智雯

今次梳左個好貼既髮型係冇咩問題,不過個唇色太淺出左事,mandy係襯深紅色唇膏多啲,依家唔太夾。而mandy 身形靚,條裙貼到有S 字出左黎,上身滿佈紅花,下身淨黑色唔會太搶,好有女人味。


胡定欣

上次就話讓比好姊妹李施嬅,所以包到上頸,乜都唔露姐。今次梗係點都露返少少啦,上身黑色通花入膊背心配下身粉紅色裙好靚,估唔到胡定欣都可以carry 到咁甜美既款式。另外要讚一點係胡定欣好瘦,入膊背心有少少肥肉已經比人覺得好大隻,依家可以話係啱啱好,肥啲都唔得呀。


劉佩玥

上次呀moon喺節目巡禮紮左高直馬尾再加大銀色圈圈耳環,上身仲要著白色長袖t-shirt 配下第白長裙look 認真嚇死人......今次呀moon 為左一脫污名竟然罕有露胸,仲要係大deep V,勁搶眼!識得襯返個曲曲地既公主頭好靚,終於由上次最差裝扮躍升至今次最好睇裝扮,大有進步,值得一讚。


▼你會選誰?


龔嘉欣

龔嘉欣大露背好好睇,背脊夠白夠滑,避開左身材缺點。晚裝bling bling設計都幾有特色,只係灰色冇咁出,喺花旦之中難以突圍而出。


張秀文

露胸又露腿,條裙既叉仲開到腰咁濟,上次秀文話無線好似忘記左佢,冇乜比工佢做,今次可能想摶啲等客自動搵上門!不過都要彈一彈個頭好似未set,唔知係咪趕出黎用左直髮夾夾直就算,零隆重感覺。同埋有時唔係露得多就靚,中間腰箍拎走可能仲好啲。


姚子羚

呢條漸變紫色裙同李佳芯既一樣都係時裝展作品,不過人地一開始個模特兒已經有好身材,姚子羚又禾稈冚珍珠,所以出黎效果好啱喺台慶度著。


高海寧

今次高海寧真係慘......呢排滿城講緊無線出既禁奶令,擁有豐滿上圍既高海寧竟為係唯一聽話既女藝人,喺咁重要既日子遮住個胸,只有露左一啲啲腰位,未睇已經扣左好多分。之不過,如果唔講佢著出黎係點,單計條裙真係靚既。


吳若希

雖然之前實牙實齒話退出娛樂圈,不過生完囡囡之後可能覺得少奶奶生活太苦悶,又想賺下錢,所以今次台慶都有出席。佢產後極速瘦身,著住透視花花長袖長裙,比起以前更加成熟穩重。


成50個花旦出場,你最睇好邊個?


(圖片來源:明報、東星娛樂、魔方傳媒、頭條日報)

留言

會員
我要評論
請按此登錄後留言。未成為會員? 立即註冊
  • Dasman Cheung
    Dasman Cheung 於 20/11/2017 評論 NO. 1

    Liu Vincent Yat Yin

  • 藤原 ネイチャー
    藤原 ネイチャー 於 20/11/2017 評論 NO. 2

    千雪bb真夠sok

  • Eric Li
    Eric Li 於 20/11/2017 評論 NO. 3

    冇邵佩詩🤷‍♂️

  • Carlos Chau
    Carlos Chau 於 20/11/2017 評論 NO. 4

    公司冇可能炒晒全部 XDD

  • Aragorn Ho
    Aragorn Ho 於 20/11/2017 評論 NO. 5

    其實Ali已經唔算唔掂。Michael Kors本身係幾有問題,舊年特登整俾楊冪果件Met Gala柒到碌哂地,如果有得揀最好應該避咗佢。

    王君馨其實OK,香港女星無個概念係金色、黃色好易撞膚色,所以應該盡量避免著晚裝款式,佢呢件夠多details,避咗大部分女星嘅風格,係成功搶鏡。

    朱晨麗咁show法睇落偏肥,而且佢一直都有陣大陸味,愈露得少愈著數。

    黃心穎都係睇落偏肥,遮一遮好。

    胡定欣其實比較適合中性、型格打扮。佢嘅身形其實著大部份女星嘅晚裝都會carry得更好,個人認為上下兩隻色唔係好選擇,條裙亦太累贅。右圖睇落條頸太長。

    高海寧唔得,條裙似落D著。呢類叫味?cyber風定futuristic?

    姚子羚…其實同一位設計師有好多更好選擇…呢個design我覺得一般。以往績計佢同胡定欣算below average。

  • Dixon Chan
    Dixon Chan 於 20/11/2017 評論 NO. 6

    因為李佳芯飛沙走奶

  • Cheuk Sum Tse
    Cheuk Sum Tse 於 20/11/2017 評論 NO. 7

    Arnold Lee

  • Wing In
    Wing In 於 20/11/2017 評論 NO. 8

    Kai Kit Cheung 有你最心愛既朱千雪😍😍😍

  • Yiyi Fu
    Yiyi Fu 於 21/11/2017 評論 NO. 9

    個人感覺黃君馨carry得幾好睇,反而朱麗晨就麻麻地

  • Danny Lau
    Danny Lau 於 21/11/2017 評論 NO. 10

    邵珮詩果日件衫都好正…… 不過作為存在感最不足嘅港姐冠軍, 所以呢篇新聞冇評論佢都係合情合理嘅😂

  • Mei Wah Li
    Mei Wah Li 於 21/11/2017 評論 NO. 11

    Carmen Leung

  • Ying Ting Tse
    Ying Ting Tse 於 21/11/2017 評論 NO. 12

    我見到雷莊兒真係wtf。tvb可以試下揾佢同喬寶寶cp😂

  • KaChing Lam
    KaChing Lam 於 21/11/2017 評論 NO. 13

    胡定欣果套最令 又吾怕限奶令 認真聰明

  • 何創基
    何創基 於 21/11/2017 評論 NO. 14

    沈卓盈完全唔掂,夾硬谷出來的,明顯地係用砵仔糕,佢根本就無身裁!!

  • Kit Chan
    Kit Chan 於 21/11/2017 評論 NO. 15

    沈大師明明冇奶都焗盡奶力

  • Lau Lok Yi
    Lau Lok Yi 於 21/11/2017 評論 NO. 16

    廖朗豪

  • Manshing Lau
    Manshing Lau 於 21/11/2017 評論 NO. 17

    Chun Yin Ho

  • Ho Lam
    Ho Lam 於 21/11/2017 評論 NO. 18

    Travis Lau 好多隻XX

  • Tracy Chow
    Tracy Chow 於 22/11/2017 評論 NO. 19

    Ka Ching LeungGnut Uih

快捷鍵:←
快捷鍵:→