【有片】蔡少芬段普通話rap尷尬到喊出黎,網民恥笑唔敢睇

純情跟蹤狂 於 19/04/2018 發表 收藏文章
大家都知張家輝、古天樂、葉蘊儀、鄭伊健出左名普通話爛,無論香港網民定大陸網民都聽到一頭霧水,不過你咪理,口音愈搞笑愈奇怪啲人反而仲中意,吸引客戶特登搵佢地拍戲、電視劇、廣告。佢地啲片大家應該喺facebook loop得多,不過有個人我諗已經超越左古天樂,嗰個就係蔡少芬。

蔡少芬嗰頭唔係因為90年代啲相比人搵返出黎講,話仲靚過韓妹咩?不過靚還靚,普通話差都係照比人笑,佢最近喺大陸「安徽衛視」既電視劇《海上嫁女記》一幕rap比片方公開左原聲冇配音版,真係尷尬到生癌,網民仲話聽到起雞皮、柒到唔敢睇添呀。




佢喺劇裡面要邊揸車邊rap,甩曬啲節拍唔講,如果冇字幕係唔知佢講緊咩,送上原片,希望你地唔會笑到肚痛:


之前喺蔡少芬綜藝節目《王牌對王牌》上以皇后娘娘造型亮相,講台詞嗰陣普通話早已爛到全場爆笑。當時佢將奸細講左做間、界煎;辣椒炒雞肉變左做藍Q炒雞柚等等,隔離佘詩曼都忍唔住偷笑。後尾蔡少芬好大方咁喺微博度話:「好吧!能令大家那麼高興,我答應你們!我一定不會學好普通話!大家高興嗎?喜歡嗎?」,好明顯佢知道大家就係中意佢講得唔好,特登唔學好,成功喺大陸殺出一條財路。



▼比你地重溫下


其實呢啲藝人一啲都唔搞笑仲好聰明,佢地知道大家中意,又唔介意比人笑,所以就順勢繼續講得唔正。講得唔好反而有綜藝爆笑優點,好似蔡少芬咁,大陸咁多人中意係因為佢話曬係一線花旦,竟然可以放低偶像包袱,不拘形象,扮丑角都肯,大家都讚佢夠真性情、搞笑可愛。

同埋既然身為香港藝人,母語係廣東話,普通話講得冇母語咁好都唔出奇,外國網民好多時唔係真心笑,佢地都明口音既野好難改,始終唔係天生講嗰個語言呀嘛。依家普通話根本唔需要好,就咁帶啲港音就得,難得個個都中意,呢個就係香港藝人既特色。



蔡少芬普通話唔好,制作組唔係唔知,請佢返黎就係要做得意既效果,節目仲靠佢賺左唔少收視率添。所以佢唔止係個好演員,仲係一個好藝人。

留言


請按此登錄後留言。未成為會員? 立即註冊
    快捷鍵:←
    快捷鍵:→