【有片】柯德莉龍成虎陰陽相隔,「我願意!求下你唔好拋低我一個」

純情跟蹤狂 於 27/08/2016 發表 收藏文章
雖然各大fanpage早已經紛紛劇透,但昨晚龍成虎(貓仔)為救柯德莉而被楊竹鑾用鐵通插死一幕,令不少觀眾都流下淚來。更於劉佩玥的微博及Instagram下留言,希望她與伍允龍現實中可以在一起。


有網民就非常投入,剪輯了一段短片:


讓小編我代入一下柯德莉的心情吧,以下是柯德莉在龍成虎死後的內心說話:
「我好慶幸個天比我遇到你。

雖然你份人木木獨獨冇啲情趣,又成日管我呢樣管我嗰樣,跟出跟入一啲自由都冇,個樣惡到死...仲唔理自己條命幫我擋子彈,好怕醜咁拖住我隻手,每次為左我同啲人打交,打到周身傷曬,daddy死左你仍然留喺我身邊陪住我.......我先發現原來我個心早已經放左你喺裡面。

咁耐以黎我恰你、玩你,你都肯忍受我既大小姐脾性,默默喺我前面擋曬所有危險,只要喺你背後我就知自己一定安全。

嗰陣你笨拙咁穿住西裝,然後冇啦啦向我潑水,我真係激氣!心諗點解穿到咁靚又要咁樣,但係後來先知原來泰國潑水係叫做..愛。

你愛我,係咪?我都愛你!好愛、好愛、好愛你!但你真好傻...點解為左保護我竟然用同楊竹鑾鬥?我好憎自己,我真係好嬲自己點解會喺呢個時候暈左...個心痛極都唔及你個身痛,你永遠都返唔到黎喇...貓仔,我拎起左隻戒指戴喇,我願意!我願意!我願意..我願.....你唔好走,我求下你唔好拋低我一個,唔好離開我身邊。」


其實劉佩玥在社交平台上都有代入柯德莉角色,向貓仔寫下感動情書:

引用親愛的貓仔,
你在天上過得好嗎?有找到daddy和狗仔拳佬嗎?

有想我嗎?

戒指我帶上了,真的帶上了,一輩子也會帶著。我跟呀咩過得很好,她好疼我,像當天疼你一樣。感激老天爺讓我這輩子遇上你,如果沒有遇上你,我的天空是如此狹窄空白。如果沒有愛上你,我的生命是那麼平淡乏味。

就讓我們的一切一切在回憶中延續下去,因為我會記得。
我會記得你第一天如此嚴肅沒動沒笑沒聽話,
我會記得你拼了命在森林救我為我擋子彈,
我會記得你對抗命運無畏無懼的勇氣,
我會記得你為爸爸流的每一滴血,
我會記得你為我每次挺身而出,
我會記得你害羞拖著我的手,
我會記得你那緊緊的擁抱,
我會記得你的每分每秒,
我會記得我們的笑容,
我會記得你的傻氣,
我會記得你的愛。
記得你。

我愛你,為了你,我會好好的生存下去。
我們一定會再見的,一定會。

愛你的太太 德莉上


雖然貓仔死了但大家不要棄劇啊,因為大結局絕對是很精彩!

留言


請按此登錄後留言。未成為會員? 立即註冊
    快捷鍵:←
    快捷鍵:→