新界人係香港最堅毅既人?話你知點解冬天新界會低幾度!

純情跟蹤狂於 07/02/2018 發表 收藏文章
相信由一月中開始大家已經感受到香港既冬天有幾猛料,唔少外國人黎到以為可以避過冬天,只係帶左短袖衫,點知佢地冇預到香港既冬天係濕凍!又大風又落大雨,基本上體感溫度係同落緊雪或者零下負幾度既國家係冇分別。以為最強既俄羅斯人冇問題?呢排我撞到佢,佢都話香港好乸凍,絕對唔係避寒之選。

但我地香港人面對咁凍既環境又點退縮?人地入到室內有發熱地板、有暖氣,我地香港乜都冇。無論室外定室內,香港都保持4度低溫,以身體去硬食凍風!幾勁呀!不過如果你以身為香港人而自豪就大錯特錯,因為假如你住係住喺元朗、粉嶺、屯門...甚至沙頭角、打鼓嶺,Hi Auntie!呢啲地方凍到好似雪櫃咁。


根據天文台既講法,由於新界地方受城市化既影響比較細先會咁凍。簡單啲黎講姐係內陸少高樓大廈去吸收同儲蓄熱能,同時空曠地方令周圍空氣非常流通,夜晚散熱快,所以溫度總係會低幾度。仲有海水表面溫度比陸地高,處於內陸地區,遠離海洋既新界自然就凍啲啦。

▼想知多啲可以睇下天文台呢條片


所以新界既人好強勁,如果你冇做以下既行為更加係戰鬥民族:

1. 冇開暖爐或暖氣
2. 一朝早返工返學可以即刻起到身
3. 只係著一兩件衫
4. 啲風臨面吹埋黎仲可以好大聲咁話:好X正呀
5. 照去食雪條、雪糕或者刨冰
6. 食左人地凍桔仍然面無懼色

如果我係老闆,見到住新界既員工仍然可以如常返工,唔理點都好加左人工先,因為佢的確排除萬難先返到工架!
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→