揀一個愛我既人定我愛既人?我係博士點都會揀Mandy做女朋友!

純情跟蹤狂 於 22/09/2017 發表 收藏文章
我係博士,由細到大都比老竇湊,本身佢好地地喺熊樹根既物流公司做貨車司機...但係個天又整場車禍帶走埋佢....所以我17歲就變左做孤兒,多得熊樹根我先可以唔放棄繼續生存。對我黎講佢就好似我第二個老竇咁,佢好好人,以前話過想供我讀書,不過我始終覺得麻煩佢唔好,既然自己有手有腳不如入佢公司養自己啦。

依家我已經成為根叔既好徒弟,哈哈,唔知佢係咪咁諗呢?佢有三個女,其中一個已經放左喺我個心度好耐好想有日可以同佢一齊......我真係好中意熊若水,雖然佢成日笑我同蝦我,但我都覺得好幸福。因為喺我眼中佢係最特別最靚嗰個,有咩事佢都會搵我幫手,係,我冇乜讀書天份,但因為我中意睇書所以佢需要我嗰陣都可以幫到手。

▼我以為自己好重要



▼其實喺佢眼中Max先係最重要



雖然根叔有意拉我同阿水一齊,但係,比佢蝦嗰陣我先感受到自己既存在感,平時我只係一個好普通,連好朋友都比唔上既朋友。

佢係個好可愛既女仔,不過由佢同Max拍拖開始我就知道自己始終都係唔夠有錢仔鬥。人地係公司太子仔、揸靚車、住洋樓,有次仲送左限量版既手鏈比佢。我第一次見到阿水咁開心呀!原來嗰條我要儲錢儲好耐既手鏈先可以氹到阿水笑。


前幾個禮拜我終於表白,不過佢嗰次笑住咁帶過,話有啲事要返屋企先。我知,我知自己同有錢仔係鬥唔過,但我覺得阿水唔係一個貪錢既女仔,佢地係真心相愛...如果Max可以令若水生活舒服幸福,唔使捱苦,咁我寧願繼續做隻觀音兵。我想佢知道,無論佢去到邊度,回頭既時候都會見到我。



我同阿水既距離愈來愈遠,只係得我個心一直指住阿水,佢呢排好中意既變色杯我見冇人換到比佢,就送左隻比佢。雖只係同Mandy和假扮情侶,但佢係咁討好我,一直都對我好好,特登整餃子便當比我食,我唔好意思先收左佢,而佢好似真心想同我發展咁。
後來我聽人講佢一腳踏兩船,同埋中意富二代,於是個個都排擠佢、唔理佢、趕走佢....我同佢終於講左分手。之後佢根本冇減少對我既愛,反而仲愈來愈對我好,願意為我改變自己既港女習慣,亦意想不到地幫我擋左啲垃圾水。Mandy就算被拒絕都維護我,連自己忠心對待既大小姐都敢反。望住Mandy我覺得好似我對阿水一樣,明知唔得,點解仲唔心死?其實我係咪時候要放過自己,接納其他人呢?


喺我愛既人,同愛我既人裡面我應該揀後者。因為我知自己就算喺阿水唔開心嗰陣安慰佢、明知佢唔中意我都同佢扮情侶趕走曹總都好,阿水都係唔會中意我,可能會覺得我好煩。依家Mandy某程度因我先降職做保安,亦都係第一次有女仔咁為我著想,所以我決定要同佢正式一齊,比個機會大家。


(圖片來源:呂慧儀粉絲會、myTV SUPER、十仔instagram)

留言


請按此登錄後留言。未成為會員? 立即註冊
    快捷鍵:←
    快捷鍵:→