岑麗香透視最香艷,千雪bb幸福肥?點評華姐競選女藝人裝扮(41P)

純情跟蹤狂 於 04/02/2018 發表 收藏文章
雖然琴晚既重點應該放喺啲華姐度,不過似乎啲女藝人仲重裝甲過佢地,一定心諗趁呢個時候人地比賽冇得墊野谷胸,拿拿聲拎屋企最靚最deep v既晚裝出黎啦,實行搶曬班華姐鏡...果然高招、高招。事不宜遲,我地即刻睇下佢地著成點先:

譚凱琪

我覺得譚凱琪最搞笑,條裙好似鉛筆刨碎,又似生蠔同帶子群邊,總之就奇奇怪怪咁,佢班「少婦聯盟」既姊妹仲著得好睇過佢。仲有我之前話唔係人人都適合all back,譚凱琪都係唔適合嗰堆黎...


龔嘉欣

龔嘉欣就醒喇,知道自己身形瘦削所以專著啲貼身啲既衫同埋露腿去分散視線,又識揀白色唔揀黑色等個人望落冇咁扁。我最中意係佢個波浪頭,有啲復古feel,好襯條裙!


陳凱琳

陳凱琳可以著既衫款唔多,因為佢真係太過瘦,今次佢著左長裙,中間有個類似十字架既金色線條,配埋白裙有少少似希臘神話或者埃及風格,加埋佢鬼鬼地既樣都幾好睇。


沈卓盈

沈大師又出招喇,喺「少婦聯盟」裡面上圍最豐滿就係佢,所以佢成日都毫不吝嗇地露出黎比我地睇,順便幫心口抖下氣。今次著左米色蕾絲開胸大露背晚裝,前面開到落肚臍,波邊一覽無遺,後面又有白滑背脊,你叫我地點樣唔噴鼻血呢?呢件晚裝超正呀!



麥美恩

今次條裙就有啲失色喇,紫藍色做底再配以銀色花紋本身係幾靚,不過冇啦啦有條黑帶將屬成個人斬開兩舊就唔係幾好。同埋麥美恩應該襯返深色少少既唇色,依家個嘴淺色到好似有病咁冇血色,一啲都唔好睇。


高海寧

我唔知由幾時開始已經放棄左睇高ling,因為佢真係冇再露胸,次次出盛宴都收埋,唯一最性感嗰次係真空西裝已經係佢極限。可能踏入30歲心態唔同左,佢既風格都走向型格路線,不過唔係個個都型得起,加上泰山裝亦唔係人人都著得起,高ling就...都係行返性感啦。


黃心穎

今次心穎條裙唔錯非常好睇,突出纖幼既腰身線條。我最中意佢灰黑色底再襯粉紅色漸變花既圖案,好似中國水墨畫咁,好有特色。但個髮型就麻麻地,冇啦啦飛一條出黎,整齊又唔係,亂又唔係,不如直頭set個中國風既髮型仲好。


張曦雯

張曦雯真係靚到飛起,黝黑色既皮膚襯上經典大波浪黑金色挑染既頭髮好有鬼妹feel,烈焰紅唇同藍色開叉露背裝既對比好sharp,令人一眼就望到佢。


李亞男

李亞男同高ling一樣都揀左大deep V,但佢有少少唔同係膊頭上面多左兩塊薄紗。其實李亞男已經勁高大,佢再令自己個膊頭睇落又厚又橫只會百害而無一利,反面露個膊頭出黎,唔好束起頭髮仲靚女。


麥明詩

唔係露得多就叫靚,麥明詩做左個最佳示範,就算露左東西半球都阻止唔到呢場時裝災難既發生...條裙不倫不類唔講啦,大家就咁望都知,最大問題係個髮型對緊星球大戰致敬?如果唔係整兩舊餅喺個耳仔度做乜野?貪夜晚肚餓嗰陣可以拎黎做宵夜醫下肚?


張嘉儀

張嘉儀愈大愈靚女,下巴仲好尖添,似乎豬扒港姐呢個名唔再適用啦。琴晚未見到佢個人先見到佢對波,嘩,大到就黎跌出黎咁,白色deep V長裙穩陣冇出錯,係嫌個公主頭唔夠多gel,黎到會場有啲散亂。


莊思敏

幾好,望落高貴大方又唔會甘於平凡,中間層妙點綴左條裙,唔會令莊思敏冇線條,同時令成個人比例更加好睇。


莊思明

相反細妹就麻麻地,因為個頭好似打完八號風球咁,裙擺又一舊舊好累贅,加埋紫紫地色同水母有幾分相似。


余思霆

可能知道自己今屆就卸任,所以佢都搏到盡,胸前事業線足夠夾死蟻,我都戥佢抖唔到氣。整體黎講佢既粉紅色晚裝好好睇,戴埋后冠似公主,感覺好sweet。



馮盈盈

好感動呀今次馮盈盈終於都正常返,冇再著型格、窩釘既晚裝,呢啲高貴款咪好好多!不過估唔到佢咁瘦都谷到少少事業線,相比起double may余思霆係唔夠架喇,但都唔錯,為成個look生色不少。


岑麗香

唔知係咪做左人妻積極做人,連個膽都大左好多,平時唔係好行性感既香香bb琴晚都大解放著勁透視既金色晚裝,又露波又露腿,仲要露埋半個屁股仔,真係少啲定力都頂唔順呀。


蔡思貝

蔡思貝愈來愈靚應該係真,留長頭髮之後同達哥距離愈來愈遠,開始有返啲女人味。不過可能未試過條裙,一打閃光燈個nude bra即刻走出黎見大家...


朱千雪

上次千雪bb喺無線萬千星輝頒獎典禮已經著大肚婆衫,依家仲要幸福肥...唔通暫別幕前去讀書係煙幕,有左先係真?不過當然一切都只係猜測,我估係同男朋友拍拖好開心就真既。

《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
  • Fanny Wong
    Fanny Wong 於 04/02/2018 評論 NO. 1

    無視限奶令

  • Zhiming Li
    Zhiming Li 於 05/02/2018 評論 NO. 2

  • Lam Sing Chiu
    Lam Sing Chiu 於 05/02/2018 評論 NO. 3

    Ho Yin Steven

快捷鍵:←
快捷鍵:→