如果有得揀，你想你人生似邊個？ 精選

你有冇諗過如果可以比你重新揀一次，你想你既人生似邊個呢？我有3個人選比你，呢3位都喺唔同範疇好出色，受到唔少人敬佩，好多人都憧憬自己會好似佢地既人生咁，咁精彩。

李嘉誠



唔使問呀貴，李嘉誠身為香港大富翁，有長江集團呢個全香港最大既企業之一，邊個唔想好似佢咁咁有錢？佢係香港最有錢嗰個，係位列華人首富最長時間既人，所以依家啲人都成日將自己個仔改名做李嘉誠，希望將來大個好似李嘉誠咁有錢，唔使憂。
李嘉誠天生極有生意頭腦，做sales嗰陣只係用左2年就做左總經理，之後喺50年起左長江塑膠廠賺左1000萬港元，再成立長江實業一直發展到依家。不過李嘉誠一開始其實係逃離黎香港，因為老竇過身所以要輟學做野，做過整手錶、茶樓、sales，過左一段艱難既日子。同樣地你要接受到做咩都會成為大家既討論對象，長期比人用李氏力場改圖惡搞。

胡楓


▼同李小龍合照


修哥一生都喺電影同電視劇生涯度過，一入事過左幾年好快已經成為男一，從影開始60年以來由小生到中生都極受香港觀眾歡迎，喺好多經典作品裡面都有出現佢既身影，亦同過唔少當紅既女星合作。
雖然身處複雜既然演藝圈，但佢本人好長情專一，已故太太係初戀情人，一齊左59年一直都好恩愛。上年離世嗰陣修哥極為悲傷痛心，久久不能平復。依家去到老年有6個親孫，除此之外仲收左好多契仔契女契孫，包括張學友、黎明等紅星，人緣非常好，兒孫滿堂。

謝賢



謝賢50年代考入演員訓練班，喺60年代就當紅，拍過電影、電視劇紅遍中港台，當時既佢高大有型、英俊瀟灑，係好多人心目中既男神同白馬王子，亦係娛樂圈既大哥大。連佢既仔女謝霆鋒同謝婷婷都係圈中人，謝霆鋒更加喺音樂、電影、飲食上有一番成就，係好有名氣既明星家族。
四哥風流一生，經歷過5段感情，即使已經81歲，但因為外表保養有道，健康到根本唔似老人家，所以身邊女伴都係青春少艾。活到老年仍然壯健有力，無論係心態、行為定打扮都成個後生仔咁，四哥可以話係一個傳奇。

▼與女朋友coco於今年年中分手


一個有錢，一個被人尊敬，一個風流有型，你想擁有邊個既人生呢？