以下幾點證明火箭兵團其實係好人,只有佢地先會當小精靈係家人 文字

純情跟蹤狂於 25/07/2016 發表 收藏文章
話說今日朝早11點,Pokemon Go突然開放香港區,各位訓練員相信已經出發去收服小精靈喇!不過大家喺街上面捉小精靈既時候都要睇路呀!小編見到同事們掛住捉精靈差啲唔知自己去左邊,為左成為小精靈大師而廢寢忘餐...(笑)。

喺Pokemon Go同《寵物小精靈》既世界裡面,或者大家都只係將注意力放喺小智同比卡超度,但其實有冇人認識過火箭兵團?


「你呢個問題問得真係好 ,我地亦都好落意去解答你呢個問題。我地既目標係喺破壞中,維持呢個世界既平衡 ,用罪惡去搵出真理既所在。我地兩個係魅力四射既奸角,武藏 、小次郎,我地火箭兵團筆嬲都係來去如風架~我地既明日係惡貫滿盈既黑暗日子 。冇錯喇喵!」

相信大家對呢句對白一啲都唔陌生,依家喺各大平台上面仍然見到有人留呢句言添!證明其實火箭兵團都有佢地既市場架,之但係大家對佢地既認識又有幾多?


武藏

成日覺得自己係天生既女演員但又做唔到,加上因為屋企好窮,心灰意冷下先加入火箭兵團。不過入左火箭兵團之後幾乎冇成功立過功,所以人生基本上係好失敗。

雖然佢份人好易發嬲、非常自我中心兼任性,成鬼日蝦小次郎.....之但係有時都會有善良既心既....數到佢唯一優點,就係同阿柏怪既感情。因為喺ep031,可能受到武藏影響,感動下而由阿柏蛇而進化成阿柏怪,同武藏既感情非常深厚。可惜有次阿柏蛇群遇到危險,武藏叫阿柏怪同佢地一齊離開並保護佢地,於是先至同武藏分離。


兩個既眼淚感動到小精靈。


小次郎

小次郎原本係含住金鎖匙出世既有錢仔,因為受唔住未婚妻同埋籠中鳥既生活,所以離家出走,仲因為一次機會而加入左火箭兵團。雖然初初伙想做大反派,不過天生太仁慈,對小精靈亦都照料有加,所以同武藏成日捉唔到比卡超。

風鈴鈴係小次郎最中意既小精靈,因為見到佢就會諗起細個既痛苦回憶。佢同小次郎感情好好,可皆最後因為體力不支而要同小次郎分別,我估大家嗰陣同我一樣都好難過吧。


佢對伙伴好好,為左救佢地不惜放低尊嚴,求小智佢地出手相助。


喵喵怪

喵喵怪為左追求另一隻母喵喵貓瑪丹娜而努力學人話,也漸漸練就只用兩隻腳走路。


佢地兩個對喵喵怪都係非常好感情,就好似兄弟一樣,食飯同訓覺都係一齊。而且武藏同小次郎對小精靈都好好,提供獨立座位比佢地,同佢地好似朋友咁。



你睇圖,都知邊個對小精靈好啲:

留言

會員
我要評論
請按此登錄後留言。未成為會員? 立即註冊
  • Alvin Kwun Yiu Chan
    Alvin Kwun Yiu Chan 於 26/07/2016 評論 NO. 1

    其實每次火箭兵團都係堂堂正正咁對決, 係小智條仆街屈 9 人機

  • Kenny Leung
    Kenny Leung 於 26/07/2016 評論 NO. 2

  • 大祥
    大祥 於 27/07/2016 評論 NO. 3

    所以说抢手机的人都是火箭队?

  • 吳佳琪
    吳佳琪 於 27/07/2016 評論 NO. 4

    別的我不知道
    但小次郎絕對是好人啊啊啊啊
    小時候最想要這種哥哥qwq

快捷鍵:←
快捷鍵:→