究竟全盛時期既馬國明，可以「亂入」劇集幾多次？ 精選 推薦

《使徒行者2》大結局係今晚(27日)播出，全劇曲終人散。早係上個星期，騰訊視頻已經搶先播放大結局，歡喜哥射殺仇人魏德信一報殺妻之仇；原本被徐天堂射殺既樂少鋒就死過翻生，仲同歡喜哥「著草」到泰國一齊再打天下。正當大家以為故事完結之際，馬國明竟然手持狙擊槍出現係劇集既「彩蛋」中登場，仲發誓要為死去既魏德信報仇，為開拍第三輯埋下伏線。而馬明就話係劇組搵佢客串呢一幕。其實早係07年，當時已經係一線小生既馬國明就開始客串過多齣劇集，因為成日係非主演既劇集中「無厘頭」出現，因而有「亂入王」既稱號。有網民分析指，馬國明屬於有求必應既演員，當有劇組人員拍膊頭要求幫忙時，佢都會即時應承，所以即使馬明已經登上一線，仍然會見到佢係唔同既劇集中客串演出，而家就等我地一齊回顧下馬國明歷年黎「亂入」過既劇集：
師奶股神(2008)(上)、尖子攻略(2008)(下)
馬國明係2008年曾經客串呢兩套劇集，都係扮演律師辛萬軍(Mk Sun)。當時已經成為一線小生既馬明，客串《師奶股神》既第三集，出鏡10秒講得3句對白，之後既劇情就再冇佢既戲份；同年，佢又以相同既角色客串《尖子攻略》既第17、18集。值得一提既係，辛萬軍(Mk Sun)係2007年劇集《律政新人王II》既主要角色。

情人眼裡高一D(2010)馬明係呢套劇入面客串第2集，角色係做返自己。

點解阿Sir係阿Sir(2011)(上)、真相(2011)(下)
馬國明客串《點》劇既大結局，同劇中受到情傷既鍾嘉欣成為一對；之後又係《真相》扮演反派Alex，並係劇集既後段出現。

老表，你好hea！(2014)
馬國明係劇中客串飾演視帝，仲同資深鍾景輝有場對手戲，多次同最佳男主角擦身而過既馬明演呢個角色時定必百般滋味在心頭！

雖然馬明成日客串「亂入」，但作為一線小生既佢又點會冇得做主角呢？緊接《使徒行者2》播出既大台台慶劇《降魔的》就係由馬國明做男主角，馬明既fans記得要多多留意呢套新劇喇！