《踩過界》大結局,Never來回地獄又折返人間?

方丈 於 18/09/2017 發表 收藏文章
《踩過界》尋晚播出大結局,戴德仁(單立文 飾)比盲俠(王浩信 飾)同癲姐(蔡思貝 飾)設局對付,最後成功拉到戴德仁入獄,而原本被判終身監禁既Gogo(張振朗 飾)亦因為咁可以無罪釋放。但令到各位觀眾最不明所以既必定係大結局後播出既彩蛋,盲俠、癲姐同Gogo三人係法院遇上本應墮崖身亡既Never(李佳芯 飾),相信睇到呢幕既觀眾定必擺出一副「黑人問號」既表情,究竟係想留下伏筆拍續集定係純粹想大團圓結局?呢個謎團就要留待編劇同導演解晝喇!
貧僧對呢個結局就有唔同既睇法,Never同豹哥纏鬥個陣被推落山崖,前者應該必死無疑,而盲俠同癲姐就比豹哥活埋而死,但兩人死前就拍低左豹哥殺人同埋招認殺死Yanice(朱千雪 飾)既證據,Gogo先可以逃出生天,而Gogo之後係Never墳前遇翻盲俠同癲姐,連埋結局彩蛋,所有野只係Gogo既幻覺,其他三人一早已經死左,以上係老納對結局既小小睇法,唔知各位觀眾又點睇呢?

標籤: 踩過界  

留言


請按此登錄後留言。未成為會員? 立即註冊
    快捷鍵:←
    快捷鍵:→