《溏心風暴3》突破「限奶令」？！小三陳敏之濕身激戰人夫唐文龍 精選

早前TVB發出「限奶令」，指明女藝員出鏡時衣著唔可以太性感暴露，而首當其衝既就係廣受男士歡迎既綜藝節目《3日2夜》喇，事關班美女主持成日都會係節目入邊著住比堅尼大show姣好既身材，但命令一出之後呢d畫面就買少見少了！除左綜藝節目，黃金時段播放既劇集同樣受到「限奶令」既影響，例如台慶劇《溏心風暴3》部分色誘片段就被剪走，然而劇集尋晚卻出現「小三陳敏之濕身激戰人夫唐文龍」既一幕:

話說呢幕陳敏之係office濕身露bra挑逗有婦之夫唐文龍，後者開頭表示呢段不可告人既關係唔可以繼續落去，但敏之死纏爛打不特止仲除衫色誘對方，更捉出男方既手擺係自己個胸度，而唐文龍此時此刻亦按捺不住同女方激吻起黎，完全當「限奶令」無到！

之後仲上埋房激戰~~

究竟點解呢兩幕逃過被刪剪既命運？貧僧就覺得，事關《溏心風暴3》播出之後就彈多過讚，唔少觀眾都話劇情沉悶同千篇一律，而頭五集既收視只得22點，如果呢兩幕被剪左分分鐘連看點都會無埋！到時收視更低咪仲衰！