「梁炳」梁漢文涉醉駕被捕,「吹波仔」超標4.5倍,回顧藝人醉酒鬧事實錄

方丈 於 23/01/2018 發表 收藏文章
曾被封為「醉街歌手」既歌手梁漢文係今日凌晨一點幾涉嫌醉駕被捕,梁既平治座駕係半山花園台失控撞向欄杆,車頭嚴重損毀,警方到場後同梁進行呼氣測試,發現酒精呼氣含量有成100度,比22度既法定上限超標4.5倍,因而將梁拘捕,其實梁漢文以前都成日比娛記影低醉酒後既醜態,因而爆出大量笑料!仲試個因為係佐敦蒲吧醉酒跌入垃圾筒!但都未試過今次搞到咁嚴重。酒後駕駛後果嚴重,危害自己同他人既安全,大家記住唔好以身試法!

藝人少不免要出席應酬,唔少人都因而養成飲酒既習慣,亦有唔少藝人試過醉酒搞事被捕:

鄭中基
最經典一單莫過於2000年鄭中基「醉機」事件,佢係一架由洛杉磯去台北既飛機上醉酒鬧事,仲出手襲擊空姐同副機長,結果被機長用電筒扑穿頭爆缸,事後鄭中基被美國FBI拘捕兼被控告襲擊同騷擾兩項罪名,案件係當地法院開審,鄭中基第一時間認罪,結果被判罰2,500美元兼留案底。

曹格和側田
2009年9月23日,曹格與側田因為醉酒先後在中環街頭和的士上發生衝突,曹格更被影到起飛腳狂踢坐係的士內既側田,事後曹格被警方拘捕。當時網民除左討論案情之外,唔少人都對側田頂帽係打架期間冇跌落黎而感到好奇。事後曹格被警方拘捕,案件於翌年一月開審,由於當事人側田唔追究,曹格獲輕判簽保港幣1,000元,守行為一年兼且唔洗留案底。

梁家輝
2002年11月,梁家輝駕車至紅磡海隧入口附近同一架巴士和私家車相撞,不但酒精測試超標四倍,仲因為毆打巴士司機被捕。梁認罪後被判罰款及停牌一年半。但兩年後佢又重複犯錯再次醉駕被捕,認罪後被判入獄兩個月,緩刑三年。

酒能亂性,貧僧請大家飲酒時記得量力而為呀!

資料及圖片來源: 香港01、蘋果日報及東方日報


留言


請按此登錄後留言。未成為會員? 立即註冊
    快捷鍵:←
    快捷鍵:→