李彩華請李彩華做演唱會嘉賓?

方丈 於 07/10/2017 發表 收藏文章

近年係中國大陸發展既李彩華(Rain)近排回流香港發展,除左係書展推出寫真之外,仲會係今個月27號舉行「十月的雨演唱會」,Rain係今年八月上左大台既《流行經典50年》唱自己既首本名曲《你唔愛我啦》,節目播出之後仲引起唔少討論,而創意無限既高登仔就將Rain既《你唔愛我啦》二次創作成《你唔拜我喇》,首歌仲要係農曆七月推出,應真應節!

[高登音樂台] 你唔拜我喇 Lyrics Video

近日高登音樂台仲邀請到李彩華真人開金口唱《你唔拜我喇》同接受訪問,Rain係訪問中被問到會唔會邀請同自己同名同姓既「香港海鮮業聯合總會」主席李彩華先生做演唱會既嘉賓,佢就賣關子話到演唱會當日大家就會知架喇!

[突發] 李彩華點睇高登仔首你唔拜我喇 ?


其實早係去年,係蘋果日報既穿針引線下就安排左兩位李彩華黎一場世紀會面,當時李彩華先生仲笑笑口咁話自己比d行家同女兒既同學笑足十一年,而李彩華仲同李彩華即場合奏,非常有音樂細胞,唔上阿Rain既演唱會做嘉賓就真係非常可惜喇!

高登仔係尋日又推出左首以賣魚做主題既《你唔買我啦》,歌詞仲十分扺死,令人拍案叫絕!

[高登音樂台] 李彩華 - 你唔買我啦 Music Video

圖片來源:蘋果日報、香港01


標籤: 李彩華  

留言


請按此登錄後留言。未成為會員? 立即註冊
    快捷鍵:←
    快捷鍵:→