大家還記得這段轟動一時的《解剖外星人》影片嗎?事隔廿年製片人親口承認當年造假!

方丈 於 26/09/2017 發表 收藏文章
1995年08月29日 今日睇真D 解剖外星人

唔知各位七、八十後既網友仲記唔記得呢段當年係亞視節目《今日睇真D》播出既《解剖外星人》既短片呢?呢段短片係當時播出後轟動全球!事隔22年,製片人Spyros Melaris近日親口承認片段造假,並且透露製片既過程同細節。

Spyros Melaris

根據《英國都市報》係尋日既報導,Spyros Melaris係周日(24日)講出影片造假既細節,佢話呢段片係倫敦北部一個住宅單位拍攝,仲邀請左自己既兄弟同女友扮演政府病理專家。至於「外星人屍體」就係由特效專家John Humphreys所製造既。為求效果逼真, Melaris係英美兩國採購左1940年代既醫生服裝同醫療器械,至於「外星人」既內臟只係普通既牛羊內臟,製作預算只花左大約5萬澳幣。

Melaris表示對事件感到好後悔,因為佢當時低估左外界既反應,仲話自己係呢件事上面吸取左唔少既教訓!

其實早係當年,《壹週刊》已經揭發左《解剖外星人》係偽造既,而無線既《城市追擊》亦播出《踢爆解剖外星人》專輯作出反擊。貧僧就覺得做傳媒一定要去分清資訊既來源同真偽,唔好只係為左收視就咩都唔理,係舊年停播既亞視就係一個好好既反面教材!

資料來源

留言


請按此登錄後留言。未成為會員? 立即註冊
    快捷鍵:←
    快捷鍵:→