【 聖誕市集 + 主題樂園】2016香港7大必玩聖誕活動

MoneyHero娛樂 於 22/11/2016 發表 收藏文章
香港嘅聖誕節從來唔愁冇嘢玩,例如近年多咗地方舉行 聖誕市集 ,售賣各種窩心的聖誕精品,散發滿滿嘅節日氣氛。除咗聖誕市集之外,聖誕當然唔少得玩埋海洋公園、迪士尼、AIA嘅聖誕特別活動啦!等MoneyHero.com.hk為大家逐一介紹今年嘅聖誕 好去處 啦!(2016年11月22日更新)

聖誕市集

海利公館聖誕市集 2016


除咗擁有百年歷史的古蹟1881,香港邊度更能營造歐洲般嘅聖誕氣氛?所以今年聖誕,位於1881的海利公館繼續舉行聖誕市集,攤檔售賣各式各樣的聖誕精品,充斥著濃厚嘅節日氣氛,令您有種恍如置身於北歐聖誕市集的感覺。

日期:

2016年12月2日(星期五)17:00 ‑ 23:00
2016年12月3日(星期六)12:00 ‑ 23:00
2016年12月4日(星期日)12:00 ‑ 21:00
地點:香港九龍尖沙咀廣東道2A號 海利公館 鴿舍中庭



赤柱廣場德國童話村聖誕市集

去年大受歡迎嘅赤柱廣場聖誕市集,今個冬天又返嚟啦!今年市集以格林童話「Hänsel undGretel」主題,將市集變身德國童話村!除了買到各式本地手作,亦有多款德國童話主題美食。市集的布置充滿「童話」氣息,包括有5米高嘅粉紅色糖果小屋,裏面放滿千支手工波板糖,充滿香甜氣味,而夜晚更會亮起璀璨燈飾,布滿整個市集。

不得不提嘅係,市集會與著名手工糖品牌Papabubble合作,舉辦全港首個波板糖自助餐!12月1日至18日期間於赤柱廣場及德國童話村聖誕市集內以電子消費滿$500(最多2張收據),即可換領波板糖自助餐參加證一張,在指定時段內任食8款獨特口味的波板糖!

日期:2016年12月10日至11日、17日至18日 12:00 – 20:00
地點:赤柱廣場天幕廣場



太古地產2016白色聖誕市集


邊個話香港冇白色聖誕?今年太古地產會在灣仔和太古街頭舉行以「北歐聖誕」為主題嘅聖誕市集,包括有一系列特色攤檔、應節食品、現場表演、攤位遊戲、面部彩繪,以及小朋友最愛的聖誕老人。另外,場內還特設全港首個戶外擲雪球場地!想玩雪球大戰的你,每人只需付$30,便可即席與親友組隊。

市集所有收益將撥捐慈善機構「愛心聖誕大行動」,買到心頭到好嘅同時,又可以做下善事,一舉兩得!

日期:2016年11月24日至26日(星期四至星期六)
地點:灣仔星街小區

日期:2016年12月1日至3日(星期四至星期六)
地點:太古糖廠街



中環元創坊意大利聖誕市集


另一邊廂,中環元創坊則主打「意式聖誕」,各攤位會售賣精緻意大利美食、美酒及各種時尚飾品,透過營造好似屋企咁舒適及溫馨嘅環境,為大家帶來一個難忘嘅佳節。

日期:2016年12月10日至11日(星期六、日),12:00 – 19:00
地點:中環PMQ元創坊鴨巴甸街35號



愉景灣聖誕市集


愉景灣由即日起至12月27日期間舉辦大型聖誕活動,除咗有周日露天聖誕市集之外,仲有5D主題聖誕佈置俾你影靚相,以及「真.聖誕馬車」帶你暢遊愉景灣!

限時3日嘅聖誕版露天市集有多達140個攤位,集合多位本地藝術家和手作達人,大家可以搵到聖誕美酒、派對小食、手飾 / 服飾、陶瓷、環保文具、甚至嬰兒用品等,喺度揀聖誕禮物就最啱啦!

聖誕市集舉行日期:2016年11月13日、11月27日及12月11日(星期日),11:00 – 18:00

地點:愉景廣場

相關閱讀:節日消費,梗係要用信用卡來儲積分換里數啦!即睇:【信用卡攻略】嚴選必備 銀聯信用卡



主題樂園


除咗逛市集之外,聖誕期間各主題樂園仲有以下活動,啱晒鍾意玩嘅你:

AIA嘉年華2016/2017


每年年尾舉行嘅AIA嘉年華一向都係大家嘅聖誕新年好去處,今年當然亦唔例外!除咗有大家喜愛的機動遊戲、攤位遊戲外,更新增多個主題拍照區,如海盜、野生動物等,而今年仲有好多新款公仔等你嬴走添!

日期:2016年12月16日至2017年2月12日,11:00 – 23:00

地點:中環海濱活動空間

門票:成人$125(包10個代幣)、小童(3-11)或殘疾人士$90(包7個代幣)



海洋公園聖誕全城HO HO HO 2016


今年海洋公園聖誕全城HO HO HO請嚟多位國際知名的魔術大師,獻上世界級嘅「超時空魔幻匯演」!另外當然唔少得聖誕特別設施,包括真係有聖誕老人嘅「聖誕老人樹屋」同「聖誕奇異花園」,仲有全新舞蹈表演「企鵝粉絲過聖誕」。另外,園內餐廳亦會供應多款聖誕大餐,十分應節。

日期:2016年12月17日期至2017年1月2日,10:00 – 18:00
地點:海洋公園



迪士尼雪亮聖誕


如果想過一個童話般嘅聖誕,就一定要去迪士尼喇!每年的11月中至12月,整個迪士尼樂園都會換上聖誕裝飾,而一眾卡通人物亦會換上華麗嘅聖誕服飾同你影靚相!除此之外,迪士尼亦會供應世界各地的傳統應節美食,而紀念品店亦會售賣各式聖誕禮品。

文章來源:https://www.moneyhero.com.hk/blog/zh/聖誕市集-主題樂園-2016香港7大必玩聖誕活動

留言


請按此登錄後留言。未成為會員? 立即註冊
    快捷鍵:←
    快捷鍵:→