【#Nj評《拆彈專家》】-並非無瑕疵,但絕對是走出合拍片死胡同新一步


萬二分驚喜,我必須要用這五個字來形容《拆彈專家》。電影宣傳重點放落超逼真紅隧搭景,我承認曾經聞到伏味處處,原因好簡單,《寒戰》夠話史上最強卡士,結果呢?點知,原來紅隧危機果然係電影中心,不只是其他電影的最後大半小時高潮,而是佔電影超過一半篇幅的重要事件。夠膽拋出呢條橋嘅人果然有膽識,拍板科水投資的人我亦深感敬佩,基本上用劉華排場求其製作一部爛片如《賭城風雲》已經收唔知幾多億,根本不用製作得這麼用心認真。

不單止要說《拆彈專家》是導演邱禮濤的最新代表作,基本上直頭可以成為近年香港電影教材。裡頭有見慣見熟的港式警匪飛車爆破,其實從來都認為港產片在這層面上並無退步過,只不過是很多時追逐好看還追逐好看,整體還是被腦殘劇情狠狠蓋過,觀眾只記得恥笑聲多過精心設計的動作節奏。這部電影難得在於劇情尚算簡單流暢,無太多複雜的利益集團關係,雖然聽到交換條件一刻我"Ke"一聲爆笑出來,不過並沒有影響我去享受電影帶來的緊張推進。


有時你問我一部電影有幾好睇有什麼好睇,我只可以答兩個字:精彩。由頭緊張到尾,一場從未在影史出現過的紅隧對峙,略略描寫被困的無辜素人,連帶超級催淚位,就是越簡單的背景越能令人樂在其中。電影最難得的是方向,沒有走《寒戰》路線。香港大災難應變之間出現幾多局長署長,一路睇不知幾害怕會出現一大堆雄辯滔滔金句滿天飛講多過做的情節。可幸,沒有為續集而鋪排,把劇情簡化得全港命脈只由幾個警察作決定我反而樂於接受。如果有其他災難片極有野心打算講東講西講文講武,請開拍13集短劇,學《24》實時表現連續每個小時的動態發展,咁就perfect池!

有時嫌棄合拍片難看真係唔怪得人,要加內地演員,又要去內地取景,再加一堆簡體字置入廣告,倒不如拍攝一部完全的大陸片算了。但無可厚非,要有資金才可能有大製作,《拆彈專家》算是平衡得不錯的一部。至少我無見到解放軍介入救港呀,事件亦都完全發生在香港,只是有一些內地演員未能避免,表現還好。恐怖分子從外地來,真正屬於香港的危機,話係擁有國際視野的警匪港產片都講得通。你話無瑕疵無犯駁位就假,我要列出來絕對有排講,例如劉華溝女...散仔談判...高防主角...山雞突擊...都係唔講,太認真看故事好難滿足,精彩就得啦!

80分
文:Nj

×多謝支持本文!你的"讚好"是我寫下去的動力,承諾為大家帶來更多電影消息影評!×
*讚好專頁【 電影狂人-影評情報交流平台 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

標籤: 拆彈專家  邱禮濤  劉德華  
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
  • Kin Chan
    Kin Chan 於 24/04/2017 評論 NO. 1

    nope

  • C MT Penny
    C MT Penny 於 24/04/2017 評論 NO. 2

    尋日睇左,係唔錯既,套戲雖然係要同D警察拿返D分,但呢D野,好難講,我係觀眾心態睇戲者,拆彈既時候,係令到自己都有投入戲面,似自己拆緊咁,其他唔劇透,BTW,個女角真係麻麻地囉。。。

  • Billy Cheung
    Billy Cheung 於 24/04/2017 評論 NO. 3

    好睇,全院滿座

  • 電影狂人-影評情報交流平台
    電影狂人-影評情報交流平台 於 24/04/2017 評論 NO. 4

    多謝各位支持本站影評文章!係有犯駁位,不過各位一定爽爆興奮而歸~~~

  • Zoe  Man
    Zoe Man 於 25/04/2017 評論 NO. 5

    我都睇左,真心係唔錯,值得買飛入場睇。

  • Kong Chun Tak
    Kong Chun Tak 於 25/04/2017 評論 NO. 6

    佢明明重有成架旅遊車既人係出面 又無講

  • 豪朱
    豪朱 於 25/04/2017 評論 NO. 7

    睇左

快捷鍵:←
快捷鍵:→