讀外國名校的香港歌手藝人,紅極有限?

娛樂之王 於 19/05/2016 發表 收藏文章
最近無綫《星星探親團》,有唔少觀眾頂唔順麥明詩開口埋口都「劍橋」、「10優」,太曬命咁話。不過都有唔少觀眾認為節目本身就係要返母校,而「劍橋」、「10優」亦確實係麥明詩的出身(甚至暫時唯一賣點),所以無可厚非;而且講離地根本成個節目都離地,因為同一節目都有唔少藝人自名校畢業,只係少啲香港人識咁話。咁同一節目有何外國名校畢業生?

(註:下文括號內數字為英國大學排名網站QS的學科分類2015/16年全球排名,本文所謂「名校」暫以此網站為參考。部分科目排名或因未能詳細區分而有誤差,歡迎指正。)

(TVB微博圖片)

麥明詩:英國威靈頓公學(中學)、英國劍橋大學法律系(QS #3)
陳庭欣:英國曼徹斯特大學環境科學系(QS 51-100)
苟芸慧:加拿大滑鐵盧大學數學系(QS #29)
李施嬅(李詩韻):加拿大多倫多大學會計系(QS #34)
麥美恩:加拿大英屬哥倫比亞大學化學 (QS 51-100)
陳智燊:英國倫敦大學亞非學院;古典及現代中國文學 (QS 51-100)
(不過節目其實拍佢去宋熙年喺悉尼嘅小學)


麥美恩所就讀的講加拿大英屬哥倫比亞大學,特別多娛圈中人,尤其是港姐、華裔小姐:

廖碧兒:經濟學 (QS #28)
郭羨妮:心理學(QS #17)
李亞男:藝術(QS 51-100)
馬國明:機械工程(QS 51-100)
陳瀅:工商管理(QS #38)
黃心穎:金融與國際商業碩士(QS #38)
張名雅:經濟商學(38)
(中,2012年港姐冠軍,左為亞軍黃心穎,右為季軍朱千雪;大公報圖片)

鄧佩儀:市場學(QS #38)
(右;on.cc 東網圖片)


而英國倫敦大學學院就有:
莫文蔚:意大利文學(QS #12),副修聲樂
(搜狐圖片)

徐子淇
自稱倫敦大學學院(UCL) 經濟系、倫敦政經學院(LSE)傳理碩士,不過網絡曾有自稱 LSE學生指佢其實讀UCL 東歐經濟及商業研究(QS 101-150);倫敦政經學院 (LSE);性別、媒體與文化碩士(QS 4)
(on.cc 東網圖片)

劉倩婷:經濟系(QS #16)
(蘋果日報圖片)


其他外國名校畢業生(只列部分):

泳兒:新加坡南洋理工大學會計系(QS #21)
宣萱:英國 Roedean School(中學)、英國倫敦帝國學院材料科學(QS #3)
陳慧珊:美國波士頓大學新聞系(QS #48)
任葆琳:美國哈佛大學電腦科學 (QS #4)
(蘋果日報圖片)

Robynn & Kendy
(thirtyroses 圖片)
Robynn 葉晴晴(上圖左):美國西北大學心理系(QS #26)
Kendy 孫曉慧(上圖右):英國倫敦政經學院經濟系(QS #7)


以上咁多位,真係入晒屋嘅可能只有宣萱陳慧珊郭羨妮(雖然演技唔係真係好好)。演技同級仲有李施嬅馬明,不過人氣同獎項就咁啲。廖碧兒李亞男張名雅鄧佩儀苟姑娘演技差,不過好在演出唔多。麥美恩黃心穎陳庭欣演戲都唔得,暫時靠綜藝/主持食糊。徐子淇劉倩婷任葆琳在歌影視圈基本上一閃即逝,徐、劉嫁人,任就從商從政。陳智燊就最大鑊,做Dolce Vita 咪好哋哋,一被力捧拍劇就出晒事,呢方面陳瀅都唔好得幾多。

歌手方面,莫文蔚都算紅過,不過主要喺台灣,3次喺小巨蛋開騷;同埋話晒都叫做第一個喺意大利、西班牙開演唱會嘅香港歌手,兼任意大利 Bergamo 市文化大使。而泳兒就自從出道作《感應》之後低迷過一輪,到最近《四不像》先有返多少聲氣。Robynn & Kendy 玩小清新一度殺出重圍,但久欠新意,加上《中國好聲音》一句「來自中國香港」收自己皮。

真係應晒麥明詩昨日instagram的反擊:名校、選美出身又如何?一樣可以無演技、無Job、唔紅。而麥明詩其實當選後,年初先簽大台,未有咩洗底機會,觀眾咪即管俾時間睇下麥明時幾時可以搣甩「劍橋」同「10A」2個標籤。不過近年得到大台力捧嘅,多數都變靠害。麥明詩已經搞成咁,過2集「蔡思達」返中學,比立勤單嘢隨時又俾人講多次,夠晒大整蠱。
loading
引用louisa_mak又到發表感言嘅時間啦。第一集出街之後,引起了一點迴響。

自港姐以後,那兩個標籤的確比較讓人記起我是誰,但那兩個標籤也是一個負擔和框架:高分低能、書呆子、幹嘛走娛圈、嚴肅、好chur、好aggre。我不否認我是一個對自己有要求的人,但我不認同stereotype。也許我更是有點鬥氣,更加不想conform。讀了書也可以不做professional, 港姐也可以有一點粗魯、大意,認真的人一樣可以好無聊、無厘頭。放心,我比任何人更想打破別人對我的標籤及框架.
人生是不停的戰鬥,我對這話體會特別深,也是我不斷努力的動力。會考好又怎樣?一樣要繼續埋頭苦讀,才能大學畢業。讀了名牌大學又怎樣?一樣大把所謂名校畢業生找不到工作,買不起樓。選上了港姐又怎樣?一樣要捱更抵夜、一樣可以無job、無演技、被觀眾遺忘。所以可以做嘅,就只有繼續戰鬥,fulfil our potential, 去追夢,去self-actualise.
只不過這個節目的主題剛巧是讀書的地方,難免話題牽涉到成績及大學😅。就當讓我懷緬陶醉一下吧;畢竟自畢業後,被殘酷的現實世界打沉了一點點。

最後,好想多謝呢個團隊;監製、導演、writer、cam man、製片,拍攝絕對不是易事,多謝佢地包容我呢個好似一張白紙的新人。一個節目係一個團隊的心血,係一齊承擔。

記住:今晚第二集!記住收睇!! #星星探親團

留言


請按此登錄後留言。未成為會員? 立即註冊
    快捷鍵:←
    快捷鍵:→