【老港正傳】【既好睇又感動】毛舜筠：「窮總會屋漏夜雨，但窮唔係罪。」
首先多謝金像獎，因為毛舜筠同鄭中基分別入圍最佳女主角同最佳男配角而令我睇咗【老港正傳】，我睇金像獎頒獎典禮就係鐘意留意啲唔係熱門唔係街知巷聞嘅電影。睇完【老港正傳】，我又真係有少少嬲，點解【老港正傳】一個獎都冇拎到嘅？嬲嘅係點解會撞到【姨媽的後現代生活】嘅斯琴高娃，毛舜筠輸在命水呀！我真係好鐘意毛舜筠喺【老港正傳】嘅演出，一改喜劇演員嘅詼諧感，飾演一名支持丈夫愛錫兒子嘅好太太/好媽媽。
呀仔通常都唔妥老豆，好奇怪，呢個世界就係咁，而呀仔又好鐘意證明俾老豆睇自己係叻仔，但呢個世界邊有咁多叻仔？於是老豆通常係恨鐵不成鋼咁鬧嗰仔，而呀仔通常係埋怨老豆，所以父子之間有隔夜仇已經如同家常便飯。
媽咪嘅角色，係成個家庭關係入面嘅關鍵。係家庭和諧定世界大戰，就係睇呢個媽咪點處理。
怨係無止境嘅，老豆怨嗰仔俾唔到成績佢睇，呀仔怨老豆俾唔到物質佢駛，兩仔爺真係可以鬥一世咖，但如果中間有個女人調和下，成件事就好好多，至少窮也會快樂。
我對呢套戲感受咁深，係因為我爺爺似黃秋生，我嫲嫲似毛舜筠，而我老豆似鄭中基。只不過我爺爺冇咁對我嫲嫲咁好，我嫲嫲亦因此比較怨恨我爺爺而冇喺我老豆面前講爺爺太多好說話，咁我老豆更加唔駛講長期怨恨我爺爺。關係直到最近先好返好多，但嫲嫲同我講，佢身體可能已經挨唔過今年，有可能忽然就走啦，佢同我講，佢希望我生性，窮唔緊要，最緊要生性同埋快樂。
生離死別，人生必經階段，我喺度喊哭喊忽冇意思。能夠見到老豆同爺爺和好，我已經好開心，至少嫲嫲唔駛再被夾喺中間。
而我，就繼承咗戲入面黃秋生嘅性格，佢成日放埋啲左派愛國電影，我就成日講舊的港產片。非主流咗啲.，但我鐘意呀嘛。用一段嘢摧毀一套戲好容易，用一段嘢歌頌一套嘢亦唔難。每個月咁多新上映嘅電影大把人爭住講，我唔講，我講舊的港產片，因為太多好嘅電影需要有人佢講，我會用心經營呢個page。至少我唔孤單，我仲有女版主（魚魚）嘅支持。
我好希望創造更多「三五成群嘅奇跡」。何為「三五成群嘅奇跡」？2007年於高登討論區有巴打講起電影【三五成群】，「一句屌你老母邊個省鳩我？」成為論壇熱爆金句，於是越嚟越多人去搵套戲出嚟睇，幾乎嗰個睇完都讃套戲好正。十年時間，靠網上輿論令【三五成群】鹹魚翻身！但我相信仲有好多舊的港產片可以媲美【三五成群】甚至超越【三五成群】。舊的港產片新的影評就係希望創造更多奇跡，令多啲人關注返以前正到爆嘅舊港產片。
PS：之前upload【末日派對】好多人likes同share，真心高興，咁至少有成萬人去睇過。
【老港正傳】全片：
https://www.youtube.com/watch?v=UzXAEfXMtPM&t=2350s
歡迎各位訂閱 舊的港產片新的影評 YouTube Channel ：
https://www.youtube.com/channel/UCKIM0AsqBg6Jnqt8lVke7Ww
#老港正傳 #毛舜筠 黃秋生Anthony Perry Ronald Cheng 鄭中基
首先多謝金像獎，因為毛舜筠同鄭中基分別入圍最佳女主角同最佳男配角而令我睇咗【老港正傳】，我睇金像獎頒獎典禮就係鐘意留意啲唔係熱門唔係街知巷聞嘅電影。睇完【老港正傳】，我又真係有少少嬲，點解【老港正傳】一個獎都冇拎到嘅？嬲嘅係點解會撞到【姨媽的後現代生活】嘅斯琴高娃，毛舜筠輸在命水呀！我真係好鐘意毛舜筠喺【老港正傳】嘅演出，一改喜劇演員嘅詼諧感，飾演一名支持丈夫愛錫兒子嘅好太太/好媽媽。
呀仔通常都唔妥老豆，好奇怪，呢個世界就係咁，而呀仔又好鐘意證明俾老豆睇自己係叻仔，但呢個世界邊有咁多叻仔？於是老豆通常係恨鐵不成鋼咁鬧嗰仔，而呀仔通常係埋怨老豆，所以父子之間有隔夜仇已經如同家常便飯。
媽咪嘅角色，係成個家庭關係入面嘅關鍵。係家庭和諧定世界大戰，就係睇呢個媽咪點處理。
怨係無止境嘅，老豆怨嗰仔俾唔到成績佢睇，呀仔怨老豆俾唔到物質佢駛，兩仔爺真係可以鬥一世咖，但如果中間有個女人調和下，成件事就好好多，至少窮也會快樂。
我對呢套戲感受咁深，係因為我爺爺似黃秋生，我嫲嫲似毛舜筠，而我老豆似鄭中基。只不過我爺爺冇咁對我嫲嫲咁好，我嫲嫲亦因此比較怨恨我爺爺而冇喺我老豆面前講爺爺太多好說話，咁我老豆更加唔駛講長期怨恨我爺爺。關係直到最近先好返好多，但嫲嫲同我講，佢身體可能已經挨唔過今年，有可能忽然就走啦，佢同我講，佢希望我生性，窮唔緊要，最緊要生性同埋快樂。
生離死別，人生必經階段，我喺度喊哭喊忽冇意思。能夠見到老豆同爺爺和好，我已經好開心，至少嫲嫲唔駛再被夾喺中間。
而我，就繼承咗戲入面黃秋生嘅性格，佢成日放埋啲左派愛國電影，我就成日講舊的港產片。非主流咗啲.，但我鐘意呀嘛。用一段嘢摧毀一套戲好容易，用一段嘢歌頌一套嘢亦唔難。每個月咁多新上映嘅電影大把人爭住講，我唔講，我講舊的港產片，因為太多好嘅電影需要有人佢講，我會用心經營呢個page。至少我唔孤單，我仲有女版主（魚魚）嘅支持。
我好希望創造更多「三五成群嘅奇跡」。何為「三五成群嘅奇跡」？2007年於高登討論區有巴打講起電影【三五成群】，「一句屌你老母邊個省鳩我？」成為論壇熱爆金句，於是越嚟越多人去搵套戲出嚟睇，幾乎嗰個睇完都讃套戲好正。十年時間，靠網上輿論令【三五成群】鹹魚翻身！但我相信仲有好多舊的港產片可以媲美【三五成群】甚至超越【三五成群】。舊的港產片新的影評就係希望創造更多奇跡，令多啲人關注返以前正到爆嘅舊港產片。
PS：之前upload【末日派對】好多人likes同share，真心高興，咁至少有成萬人去睇過。
【老港正傳】全片：
https://www.youtube.com/watch?v=UzXAEfXMtPM&t=2350s
歡迎各位訂閱 舊的港產片新的影評 YouTube Channel ：
https://www.youtube.com/channel/UCKIM0AsqBg6Jnqt8lVke7Ww
#老港正傳 #毛舜筠 黃秋生Anthony Perry Ronald Cheng 鄭中基
請按此登錄後留言。未成為會員? 立即註冊