少時候卡通片中虛構的情節,長大後都慢慢成真了!

柳絮 於 12/09/2017 發表 收藏文章
唔知道大家第一次經歷「遺憾」呢兩個字係幾時呢?柳臣細個既時候,第一次體會到遺憾呢兩個字,就係發現現實中既遊戲王卡係召喚唔到黑魔導女孩出黎。當然,之後我亦都慢慢發現咗,爆旋陀螺只可以係個煎鍋咁大既膠盤度玩、超速搖搖其實好難對戰、洛克人只能夠係部gameboy入面橫向射子彈。「俾細路玩吓姐!」一句話令玩變咗一樣不入流既玩意,所謂玩都玩得唔認真。雖然玩有玩具既市場,但係卻一直冇咩人去鑽研,大家都只會當個啲係一啲虛構唔現實既情節,無人肯投資。

你試諗吓,如果你話要起一個體育館咁大既對戰場地,要黎玩寵物小精靈對戰,我相信個個都會覺得你癲咗。大人無非就係諗個樣野賺唔賺錢,但係多人玩就自然有錢賺。你話玩賺唔到錢,你唔諗下呢個世界會打機既人多定會踢波既人多?手上有高爾夫球棍既人多定手上有手機既人多?新世界第三代接班人鄭志剛同英雄互娛簽咗十年既合作計劃,會係香港同多個城市起電子競技館同VR館,可見鄭志剛係真心想發展移動電競。其實你只要諗吓,你過去一年花咗幾多錢係體育上(唔計買馬賭波喎!),而你身邊既後生仔又花咗幾多錢係抽蛋抽石身上,你就會好易睇得到,「玩」已經唔係講玩咁簡單。有遠見既後生仔先至掌握住未來既財路。

偏偏啲人既目光就係咁狹窄,覺得個樣野賺唔到錢既時候就話你「廢青!淨係識做埋曬啲無用野!曬時間!」,無論打機、畫漫畫、寫文一樣會被大人不屑。但係當佢地開始睇到個樣野有錢賺,佢地又拉不下臉皮認錯,仍然要踏多兩腳:「有咩前途啊?我睇你好得幾耐!」幸好世界不是圍著這群失敗者轉,一成不變的人都會被淘汰一空。鄭志剛今次將電競引入上海K11,正正係睇準「新世界」既步伐,率先打破傳統枷鎖,同國際接軌。鄭志剛好清楚電競既商機唔會比運動細,係外國講緊電競每年係有將近85億港元既極龐大市場。淨係講之前Dota 2既國際邀請賽,獎金已經超過1.6億港元。偏偏一眾因循守舊既大公司依然故步自封,情願抱殘守缺,對呢塊肥肉視若無睹。當全球都將焦點放到電競身上既時候,點解香港到今日仲係落後其他國家咁多,遲遲唔肯開始發展電競產業呢?

隨住VR同網絡既發達,係未來電競只會變得愈黎愈生活化。尤其係鄭志剛發展移動電競之後更加會大大方便咗一般人參與其中。到時人人攞住一部手機,就好似攞住一部數碼暴龍機,或者遊戲王決鬥盤咁。只係到時遊戲唔再只限於遊戲機入面,倘大的對戰場館、成千上萬的觀眾在歡呼喝采、職業的選手和專業的評判、華麗而刺激的戰鬥在科技之下完美呈現、為了競逐勝者無上的榮耀,少時候卡通片中虛構的情節,長大後都慢慢成真了!
標籤: 電競  電子競技  新世界  鄭志剛  遊戲王  

留言


請按此登錄後留言。未成為會員? 立即註冊
    快捷鍵:←
    快捷鍵:→