偷呃拐騙四部曲！一秒搞懂創作法則！（二） 精選

講完偷（想睇番上一篇可以click呢度），就輪到呃。呃比偷更複雜，偷你面對既只係一堆素材，而「呃」呢個過程最少涉及到兩個人：呃人個個，同俾人呃個個。
套用到創作之上，就係作者同讀者。好多學創作既人都會唔了解兩者既關係。好容易側重於其中一方，出現只注重作者想寫啲咩，或者只注重讀者想睇啲咩兩種極端。
寫野係將自己既野傳達俾讀者，所以必需要處理同讀者既關係。
呃就係學習呃讀者入黎，睇你想傳達俾佢地既訊息。
好多作者係一開始寫野既時候，都會面對一個難堪既狀態。
如果你寫「自己想寫既野」，讀者往往無興趣。
但如果你就曬讀者，只為引起讀者共鳴而寫，你又無存在既必要。
理由好簡單，你覺得有價值既「自己野」，多數唔係市場上既主流，否則如果成個市場都係寫緊你想寫既野，你都唔會想再寫多一篇差唔多既出黎。
而主流之所以叫主流，就係因為佢已經成功吸引到大部份人。

當然，如果你係天才，你能夠一寫野就改變到個主流，令所有人都鐘意睇你既人，咁你唔雖然呃。
但柳臣相信大部份人都唔屬於呢一類天才。咁所以作為一個普普通通既作者，就要學習呃。呃佢以為你寫既係主流，自然較輕易吸引大部份讀者入甕。然後係主流既外表之下，將你想要寫既野隱藏其中。
成為主流之中而又保有特色既存在。

你要記住！
「你寫既野就係讀者想睇既野，你係天才；
你寫讀者想睇既野，你係人才；
你寫既野連讀者都唔想睇，你係庸才。」

咁就講完一半，係咪好簡單呢？剩番最後兩個技巧下次再講～