BALL ROOM教路：桌上冰壺

相信睇過冬季奧運會嘅話，都知道冰壺係咩。雖然香港無冰天雪地，但係香港人對呢項運動都幾有興趣架喎。所以BALL ROOM就好有先見之明咁引入咗桌上冰壺，等大家可以一試冰壺刺激好玩嘅地方！
呢條全長15米嘅賽道，投射住唔同顏色嘅數字圈，玩家可以分隊輪流將冰壺推出去至目標分數位置。
企喺到望條賽道，推起冰壺上嚟其實都幾遠架！另外，呢個位置絕對係BALL ROOM嘅招牌影相位，你睇個設計咁靚就知！而遊戲用嘅冰壺由大理石同埋花崗岩打磨造成，重19公斤，無番啲力都推唔到咁遠架！
遊戲可以分為兩種玩法：
1. 計分制
將冰壺推向數字圈，掂到邊緣就有分，如果進入咗白色內圈範圍，會有雙倍分數。
2. 推向圓心
邊個將冰壺推得最接近圓心就羸喇！中咗目標之餘仲要睇下點樣撞走人地嘅冰壺，好考技術同策略架！
小編建議大家推冰壺嗰陣可以坐低個人少少，重心向前，唔一定要推得太大力。唔好為咗推走人地個冰壺就出盡全力推，要預計下自己嘅冰壺要推去幾遠先得分，然後先預番力度推。快啲上嚟挑戰下呢個遊戲啦！
地址：
觀塘開源道62號駱駝漆工業大廈1座10樓A室

想玩就打嚟5405 4579預約啦！